ଆସନ୍ତା ମାସରେ ଜିଏସଟି କାଉନସିଲ ବୈଠକ, ମହଙ୍ଗା ହୋଇପାରେ ୧୪୩ଟି ସାମଗ୍ରୀ
ନୂଆଦିଲ୍ଲୀ : ୟୁକ୍ରେନ ଯୁଦ୍ଧ ଯୋଗୁଁ ବିଭିନ୍ନ ସାମଗ୍ରୀ ମହଙ୍ଗା ହୋଇ ସାଧାରଣ ଖାଉଟିଙ୍କ ମୁଣ୍ଡବ୍ୟଥା ବଢାଇଥିବାବେଳେ ଆଉ କେତେକ ସାଧାରଣ ସାମଗ୍ରୀର ଦରବୃଦ୍ଧି ପାଇଁ ସରକାର ବିଚାର କରୁଛନ୍ତି ।
Sambad is now on WhatsApp
Join and get latest news updates delivered to you via WhatsApp
ମୋଟ ୧୪୩ଟି ସାମଗ୍ରୀ ଉପରେ ଜିଏସଟି ହାର ବୃଦ୍ଧି କରି ସେଗୁଡ଼ିକର ଦରବୃଦ୍ଧି ପାଇଁ ସରକାର ରାଜ୍ୟମାନଙ୍କର ପରାମର୍ଶ ଲୋଡିଛନ୍ତି । ସେଗୁଡ଼ିକ ମଧ୍ୟରେ ରହିଛି ହାଣ୍ଡବ୍ୟାଗ୍, ପରଫ୍ୟୁମ, ଚକଲୋଟ, ଚିଓ୍ବିଙ୍ଗଗମ, ଗୁଡ଼, କଷ୍ଟାର୍ଡ ପାଉଡର, ସୁଟକେସ, ପାପଡ, ଘଣ୍ଟା, ପୋଷାକ, ଚମଡ଼ା ସାମଗ୍ରୀ, ଜୋତା, ଓ୍ବାଲନଟ, ସେରାମିକ ସାମଗ୍ରୀ, ଓ୍ବାସବେସିନ, ଏଲଇଡି ଟିଭି, ଚଷମା, ମଦ ଇତ୍ୟାଦି ।
ଆସନ୍ତା ମାସରେ ହେବାକୁ ଥିବା ଜିଏସଟି କାଉନସିଲ ବୈଠକରେ ଏ ସମ୍ପର୍କରେ ନିଷ୍ପତ୍ତି ନିଆଯିବ । ଏହି ୧୪୩ଟି ସାମଗ୍ରୀ ମଧ୍ୟରୁ ୯୨ଟି ସାମଗ୍ରୀକୁ ୧୮ ପ୍ରତିଶତରୁ ୨୮ ପ୍ରତିଶତ ଜିଏସଟି ସ୍ଲାବକୁ ନିଆଯାଇପାରେ ।
ପାପଡ, ଗୁଡ଼ ଆଦି ଖାଦ୍ୟ ସାମଗ୍ରୀ ଉପରେ ପୂର୍ବରୁ ଶୂନ ପ୍ରତିଶତ ଜିଏସଟି ଲାଗୁଥିବାବେଳେ ସେଗୁଡ଼ିକ ଉପରେ ୫ ପ୍ରତିଶତ ଜିଏସଟି ଲାଗୁପାଇଁ ପ୍ରସ୍ତାବ ରହିଛି । ଓ୍ବାଲନଟ ଉପରେ ଜିଏସଟି ୫ ପ୍ରତିଶତରୁ ୧୨ପ୍ରତିଶତକୁ ଓ କଷ୍ଟାର୍ଡ ପାଉଡର ଉପରେ ଜିଏସଟି ହାର ୫ ପ୍ରତିଶତରୁ ୧୮ ପ୍ରତିଶତକୁ ବୃଦ୍ଧି କରିବାର ପ୍ରସ୍ତାବ ରହିଛି । ଆଉ ଏକ ପ୍ରସ୍ତାବ ଅନୁସାରେ ଜିଏସଟି କାଉନସିଲ ୫ ପ୍ରତିଶତ ଟିକସହାରକୁ ହଟାଇପାରେ ।