ନୂଆଦିଲ୍ଲୀ : ହିରୋ ମୋଟୋ କର୍ପ ପକ୍ଷରୁ ଦୁଇଟି ନୂଆ ବାଇକ୍ ପ୍ୟାସନ୍ ପ୍ରୋ ଏବଂ ପ୍ୟାସନ୍ ପ୍ରୋଏକ୍ସ୍ର ବଜାର ପ୍ରବେଶ ସମ୍ପର୍କରେ ଘୋଷଣା କରାଯାଇଛି । ସମ୍ପ୍ରତି କମ୍ପାନୀର ମାର୍କେଟ ଶେୟାର ୫୦ ପ୍ରତିଶତ ଥିବାବେଳେ ଏହି ଦୁଇ ଯାନର ବଜାର ପ୍ରବେଶ ଦ୍ୱାରା କମ୍ପାନୀ ୧୦୦ ରୁ ୧୧୦ସିସି ମୋଟରସାଇକେଲ ବର୍ଗରେ ୭୦ ପ୍ରତିଶତରୁ ଅଧିକ ମାର୍କେଟ ଶେୟାର ହାସଲ କରିବାର ଲକ୍ଷ୍ୟ ରଖିଛି । ହିରୋର ଆଇ-୩ ଏସ୍ ଜ୍ଞାନକୌଶଳରେ ନିର୍ମିତ ଏହି ଯାନ ଦୁଇଟିର ଦିଲ୍ଲୀ ଏକ୍ସ୍ ଶୋ’ରୁମ୍ ମୂଲ୍ୟ ଯଥାକ୍ରମେ ୫୩,୧୮୯ ଟଙ୍କା ଏବଂ ୫୪,୧୮୯ ଟଙ୍କା ରହିଛି।
Sambad is now on WhatsApp
Join and get latest news updates delivered to you via WhatsApp
ପ୍ୟାସନ୍ ପ୍ରୋ ବିଏସ୍-୪ ଯୋଗ୍ୟତା ପୂରଣ କରୁଛି। ଏହି ଯାନ ୧୧୦ ସିସି ବର୍ଗରେ ଘରୋଇ ବଜାରରେ ହିରୋର ୫୫ ପ୍ରତିଶତ ବଜାର ଅଂଶଧନକୁ ବର୍ଦ୍ଧିତ କରିବାର ଆଶା ରହିଛି। ନୂଆ ପ୍ୟାସନ୍ ପ୍ରୋରେ ୧୧୦ ସିସି ଇଂଜିନ୍, ୪-ଷ୍ଟ୍ରୋକ୍ ସିଙ୍ଗଲ୍ ସିଲିଣ୍ଡର, ୭.୦ ପିଏସ୍ ପାୱାର ଆଉଟ୍ପୁଟ୍, ୭୫୦୦ ଆର୍ପିଏମ୍, ସର୍ବାଧିକ ଟର୍କ ୯.୦ ଏନ୍ଏମ୍, ୫୫୦୦ ଆର୍ପିଏମ୍, ଆଇ ୩-ଏସ୍ ଜ୍ଞାନକୌଶଳ, ସର୍ବାଧିକ ଘଣ୍ଟାପ୍ରତି ଗତି ୯୪ କିଲୋମିଟର ଆଦି ବୈଶିଷ୍ଟ୍ୟ ରହିଥିବାବେଳେ ଏହାକୁ ଆକର୍ଷଣୀୟ ବଳିଷ୍ଠ ଭାବରେ ନିର୍ମାଣ କରାଯାଇଛି। ଏହା ସ୍ପୋର୍ଟସ୍ ରେଡ୍, ବ୍ଲାକ୍ ମେନୋଟୋନ୍, ସିଲଭର ମେଟାଲିକ୍, ଗ୍ରେ ମେଟାଲିକ୍, ଫ୍ରଷ୍ଟ ବ୍ଲୁ ମେଟାଲିକ୍ ଆଦି ୫ ଟି ରଙ୍ଗରେ ଉଭୟ ଡ୍ରମ୍ ଏବଂ ଡିସ୍କ ଭ୍ୟାରିଆଣ୍ଟରେ ଉପଲବ୍ଧ ହେଉଛି।
ଅନ୍ୟପକ୍ଷରେ ନୂଆ ପ୍ୟାସନ୍ ଏକ୍ସ୍ପ୍ରୋ ଯୁବବର୍ଗଙ୍କୁ ଦୃଷ୍ଟିରେ ରଖି ନିର୍ମାଣ କରାଯାଇଛି। ଏଥିରେ ୧୧୦ ସିସି ଇଂଜିନ୍, ବିଏସ୍-୪ ଯୋଗ୍ୟତା,୪-ଷ୍ଟ୍ରୋକ୍ ସିଙ୍ଗଲ୍ ସିଲିଣ୍ଡର, ୭.୦ ପିଏସ୍ ପାୱାର ଆଉଟ୍ପୁଟ୍, ୭୫୦୦ ଆର୍ପିଏମ୍, ସର୍ବାଧିକ ଟର୍କ ୯.୦ ଏନ୍ଏମ୍, ୫୫୦୦ ଆର୍ପିଏମ୍, ଆଇ ୩-ଏସ୍ ଜ୍ଞାନକୌଶଳ, ସର୍ବାଧିକ ଘଣ୍ଟାପ୍ରତି ଗତି ୯୪ କିଲୋମିଟର ଆଦି ବୈଶିଷ୍ଟ୍ୟ ରହିଛିି । ଏହା ସ୍ପୋର୍ଟସ୍ ରେଡ-ବ୍ଲାକ୍୍, ବ୍ଲାକ-ସ୍ପୋର୍ଟସ୍ ରେଡ୍, ବ୍ଲାକ୍- ଟୋକ୍ନୋବ୍ଲୁ, ବ୍ଲାକ୍-ହେଭି ଗ୍ରେ, ଫୋର୍ସ ସିଲଭର-ବ୍ଲାକ୍ ଆଦି ୫ଟି ରଙ୍ଗରେ ଉଭୟ ଡ୍ରମ୍ ଏବଂ ଡିସ୍କ ଭ୍ୟାରିଆଣ୍ଟରେ ଉପଲବ୍ଧ ହେଉଛି ।