ରେଡ ମି କେ-୩୦ର କମାଲ, ଏକ ମିନିଟରେ ବିକ୍ରି ହୋଇଗଲା ଏକ ଲକ୍ଷ ଫୋନ
ବେଜିଙ୍ଗ: ଚୀନ ନିର୍ମାତା ସ୍ମାର୍ଟଫୋନ କମ୍ପାନୀ ସାଓମି କିଛି ଦିନ ପୂର୍ବରୁ ଏହାର ରେଡମି କେ ୩୦ ଅଲଟ୍ରା ସ୍ମାର୍ଟଫୋନ୍ ଲଞ୍ଚ କରିଥିଲା। ଏହି ଫୋନ ଆଜି ଚାଇନାରେ ପ୍ରଥମ ଥର ପାଇଁ ବିକ୍ରି ପାଇଁ ଉପଲବ୍ଧ କରାଯାଇଥିଲା | ଏହି ରେଡମି ଫୋନ୍ କୁ ବହୁତ ଭଲ ପ୍ରତିକ୍ରିୟା ମିଳିଛି ଏବଂ ଏକ ମିନିଟରେ ଏହି ଫୋନର ଏକ ଲକ୍ଷ ୟୁନିଟ୍ ବିକ୍ରି ହୋଇଛି |
Sambad is now on WhatsApp
Join and get latest news updates delivered to you via WhatsApp
ସିଇଓ ଲି ଜୋନ୍ କହିଛନ୍ତି ଯେ ପରବର୍ତ୍ତୀ ସେଲରେ ସେ ଏହି ଫୋନର ଅଧିକ ୟୁନିଟ୍ ଉପଲବ୍ଧ କରାଯିବ | ଯାହା ଦ୍ୱାରା ସ୍ମାର୍ଟଫୋନ୍ ଅଧିକରୁ ଅଧିକ ଉପଭୋକ୍ତାଙ୍କ ନିକଟରେ ପହଞ୍ଚିପାରିବ। ୮ ଜିବି ରାମ ଏବଂ ୫୧୨ ଜିବି ଷ୍ଟୋରେଜ କ୍ଷମତା ସହିତ ଏହି ଫୋନ ଆସିଥିବାବେଳେ ଏହି ଫୋନର ପ୍ରାରମ୍ଭିକ ମୂଲ୍ୟ ହେଉଛି ୧୯୯୯ ୟୁଆନ୍ (ପ୍ରାୟ ୨୧,୫୦୦ ଟଙ୍କା) |
ଏହି ଫୋନରେ ୬.୬୭-ଇଞ୍ଚ ଆମଲେଡ଼ ଡିସପ୍ଲେ ଅଛି | ଫଟୋଗ୍ରାଫି ପାଇଁ ଫୋନରେ ୪ଟି କ୍ୟାମେରା ଦିଆଯାଇଛି | ଏଥିରେ ୬୪ ମେଗାପିକ୍ସେଲ, ୫ ମେଗାପିକ୍ସେଲ ଏବଂ ୨ ମେଗାପିକ୍ସେଲ ସହିତ ୧୩ ମେଗାପିକ୍ସେଲର କ୍ୟାମେରା ଅଛି | ସେଲଫି ପାଇଁ ଫୋନରେ ୨୦ ମେଗାପିକ୍ସେଲର ସାମ୍ନା କ୍ୟାମେରା ଅଛି | ଫୋନରେ ଆଣ୍ଡ୍ରଏଡ୍ ୧୦ ଥିବାବେଳେ ୪୫୦୦ଏମଏଏଚ ବ୍ୟାଟେରୀ କ୍ଷମତା ରହିଛି |