ଧୋକା ଦେବାରୁ ପ୍ରେମିକାଙ୍କ ମଥା ବ୍ଲେଡ଼୍ରେ କାଟିଲେ ପ୍ରେମିକ !
ମୁମ୍ବାଇ: ପ୍ରେମରେ ଧୋକା ଖାଇବା ପରେ ପ୍ରେମିକାକୁ ଜୀବନରୁ ମାରିବାକୁ ପଛାଇଲା ନାହିଁ ପ୍ରେମିକ । ହୋଟେଲ ରୁମ୍କୁ କଥା ହେବା ପାଇଁ ଡ଼ାକି ବ୍ଳେଡ଼୍ରେ ପ୍ରେମିକାଙ୍କ ମଥା କାଟିବା ସହ ନିଜର ହାତ ଶିରାକୁ କାଟିଲା ପ୍ରେମିକ ।
Sambad is now on WhatsApp
Join and get latest news updates delivered to you via WhatsApp
ଘଟଣାରୁ ପ୍ରକାଶ, ଅନ୍ଟପ୍ ହିଲ୍ରେ ଥିବା ସଂଗମ୍ ନଗରରେ ରହୁଥିବା ଅଜମଲ ଶାହା ନାମକ ଜଣେ ଯୁବକ ଜଣେ ତୃତୀୟ ବର୍ଷ ଡିଗ୍ରି କଲେଜରେ ପଡ଼ୁଥିବା ଝିଅକୁ ଭଲ ପାଉଥିଲେ । କିଛି ଦିନ ପୂର୍ବରୁ ସେ ସେହି ଝିଅକୁ ଅନ୍ୟ ଜଣେ ଯୁବକ ସହ ଦେଖି ରାଗି ଯାଇଥିଲେ ସେ । ପରେ ସେହି ବିଷୟରେ କଥା ହେବା ପାଇଁ ଅଜ୍ମଲ ତାଙ୍କ ପ୍ରେମିକାଙ୍କୁ ହୋଟେଲ ରୁମ୍କୁ ଡ଼ାକିଥିଲେ । ହୋଟେଲରେ କିଛି ସମୟ କଥା ହେବା ପରେ ସେ ଆଣିଥିବା ବ୍ଲେଡ଼୍ରେ ପ୍ରେମିକାର ମଥାକୁ କାଟିବା ସହ ନିଜ ହାତ ଶିରାକୁ ମଧ୍ୟ କାଟି ଦେଇଥିଲେ ।
ଏହି ଘଟଣା ସଂପର୍କରେ ଜାଣିବା ପରେ ହୋଟେଲ କର୍ମଚାରୀ ପୁଲିସକୁ ଜଣାଇଥିଲେ । ପୁଲିସ ସେଠାରେ ପହଞ୍ଚିବା ପରେ ପ୍ରେମିକକୁ ଜେଜେ ହସ୍ପିଟାଲ ସ୍ଥାନାନ୍ତର କରିବା ସହ ପ୍ରେମିକାକୁ କେଇଏମ୍ ହସ୍ପିଟାଲ ପଠାଯାଇଥିଲେ । ଚିକିତ୍ସା ପରେ ଝିଅଟିର ଅବସ୍ଥା ଗୁରୁତର ଥିବା ବେଳେ ପୁଅଟି ଭଲ ଅଛି ବୋଲି ଜଣା ପଡ଼ିଛି ।
ଘଟଣାଟି ଦାଦର ଷ୍ଟେସନ୍ ପାଖରେ ଥିବା ଅପ୍ସରା ହୋଟେଲରେ ଘଟିଛି ବୋଲି ଜଣା ପଡ଼ିଛି । ଘଟଣା ସଂପର୍କରେ ଝିଅର ପରିବାରକୁ ସୂଚାନା ଦିଆଯାଇଥିବା ବେଳେ ଅଜମଲର ସମ୍ପୁର୍ଣ୍ଣ ଭାବେ ଭଲ ହେବା ପାଇଁ ଅପେକ୍ଷା କରିଛୁ । ଯେହେତୁ ଝିଅର ଅବସ୍ଥା ଏବେ ବହୁତ ଖରାପ । ସେଥିପାଇଁ ଆମେ ଅଜ୍ମଲଙ୍କ ବିରୁଦ୍ଧରେ ହତ୍ୟାର ପ୍ରୟାସ କରିବା ପାଇଁ ମାମଲା ରୁଜୁ କରିଛୁ ବୋଲି କହିଛନ୍ତି ଭୋଇଓ୍ଵାଡ଼ା ପୁଲିସ ଷ୍ଟେସନ୍ର ବରିଷ୍ଟ ପୁଲିସ ଅଧକାରୀ ଦତ୍ତାରାୟ ପାଟିଲ୍ ।