ପରୀକ୍ଷାରେ ଅସଫଳ ହେବା ପରେ ପ୍ରେମିକାକୁ ଦାୟୀ କରି କଲେଜ ଫି’ ଦେବାକୁ ଦାବି କଲେ ଡ଼ାକ୍ତରୀ ଛାତ୍ର
ଔରାଙ୍ଗାବାଦ୍ : ମହାରାଷ୍ଟ୍ରର ଔରାଙ୍ଗାବାଦ୍ରୁ ଏକ ଅଜବ ଖବର ସାମ୍ନାକୁ ଆସିଛି । ଜଣେ ଡ଼ାକ୍ତରୀ ଛାତ୍ର ପରୀକ୍ଷାରେ ଅସଫଳ ହେବାରୁ ନିଜ ପ୍ରେମିକାକୁ କଲେଜ ଫି’ ଦେବାକୁ ବାଧ୍ୟ କରୁଥିଲା । ଅଭିଯୋଗ ପାଇବା ପରେ ପାଇଁ ପୁଲିସ ଅଭିଯୁକ୍ତ ଛାତ୍ରକୁ ଗିରଫ କରିଥିବା ଜଣା ପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଅଭିଯୁକ୍ତ ଡ଼ାକ୍ତରୀ ଛାତ୍ର ବିଡ଼୍ ଜିଲ୍ଲାର ବାସିନ୍ଦା ହୋଇଥିବା ବେଳେ ଗତବର୍ଷ ବିଏଚ୍ଏମ୍ଏସ୍ ପାଠ୍ୟକ୍ରମ ପାଇଁ ନାମ ଲେଖାଇଥିଲେ । ପାଠ ପଢ଼ିବା ସମୟରେ ନିଜର ସହପାଠୀଙ୍କୁ ମନ ଦେଇ ବସିଥିଲେ ଅଭିଯୁକ୍ତ । ପାଠ ପଢ଼ାରେ ଭଲ ଥାଇ ମଧ୍ୟ ପଢ଼ାରେ ମନ ନ ଦେବାରୁ ପ୍ରଥମ ବର୍ଷରେ ହିଁ ଅସଫଳ ହୋଇ ଯାଇଥିଲେ ଅଭିଯୁକ୍ତ । ଅସଫଳ ହେବା ପରେ ଅଭିଯୁକ୍ତ ଏ ନେଇ ନିଜ ପ୍ରେମିକାକୁ ଦାୟୀ କରିବା ସହ କଲେଜ ଫି’ ଦେବାକୁ କହିଥିଲେ । ବାରମ୍ବାର ଫୋନ କରିବା ସହ ଧମକାଇଥିଲେ । ପୀଡ଼ିତା ଅଣଦେଖା କରିବାରୁ ଅଭିଯୁକ୍ତ ପୀଡ଼ିତାଙ୍କ ଅଶ୍ଲୀଳ ଫଟୋ ସୋସିଆଲ ମିଡିଆରେ ପୋଷ୍ଟ କରିବା ଆରମ୍ଭ କରିଥିଲେ । ଶେଷରେ ଅନ୍ୟ କିଛି ବାଟ ନ ପାଇ ପୀଡ଼ିତା ପୁଲିସରେ ଅଭିଯୋଗ କରିବା ପରେ ପୁଲିସ ଅଭିଯୁକ୍ତକୁ ଗିରଫ କରିଥିବା ଜଣା ପଡ଼ିଛି ।