ରାତି ଅଧରେ ପୁଅର ଶୋଇବା ଘରେ ପହଞ୍ଚି ଏପରି ଦୃଶ୍ୟ ଦେଖି ପୁଅକୁ ଜେଲ୍ ପଠାଇଲେ ମା’
ନ୍ୟୁୟର୍କ : ଛୋଟ ବୟସରେ ପିଲା ଦୁଷ୍ଟାମି କରିବା ଏକ ସାଧାରଣ କଥା । କାରଣ ଏହି ବୟସରେ ତାଙ୍କୁ କୌଣସି ବି କଥାର ଭୟ ନ ଥାଏ, ଯାହା ଫଳରେ ସେମାନେ ଏପରି କାମ କରିବସନ୍ତି ଯାହା କଳ୍ପନା ବି କରି ହେବ ନାହିଁ । ଆମେରିକାରେ ଘଟିଥିବା ଏପରି ଏକ ଘଟଣା ଚର୍ଚ୍ଚାର ବିଷୟ ହୋଇଛି । ପୁଅର କୁକର୍ମକୁ ମା’ ନିଜେ ଧରି ତାକୁ ପୁଲିସ ହାତରେ ଦେଇଛିା ଏହି ଘଟଣା ସେହି ବାପା-ମା’ଙ୍କୁ ଉଚିତ୍ ଶିକ୍ଷା, ଯେଉଁମାନେ କାମର ବାହାନା କରି ନିଜ ପିଲାମାନଙ୍କ ପ୍ରତି ଧ୍ୟାନ ଦିଅନ୍ତି ନାହିଁ। ଆସନ୍ତୁ ଜାଣିବା ପୂରା ଘଟଣା ବିଷୟରେ।
Sambad is now on WhatsApp
Join and get latest news updates delivered to you via WhatsApp
ଘଟଣାଟି ସେପ୍ଟେମ୍ବର ମାସର ଶେଷ ସପ୍ତାହର । ଆମେରିକାର ଏହି ମହିଳା ଦୁଇଟି ସନ୍ତାନର ଜନନୀ। ମହିଳାଙ୍କର ପ୍ରଥମ ସନ୍ତାନ ୧୪ ବର୍ଷର ସୋଲୋମନ୍ ଓ ଅନ୍ୟ ଜଣେ ୨ ବର୍ଷର । ଛୋଟ ଶିଶୁ ଉପରେ ଅଧିକ ଧ୍ୟାନ ଦେବା ସହ ଚାକିରି କରିବା କାରଣରୁ ୧୪ ବର୍ଷର ପୁଅ ଉପରେ ସେ ଅଧିକ ଧ୍ୟାନ ଦେଇ ପାରି ନ ଥିଲେ । ଯାହା ଫଳରେ ସେ ଖରାପ ରାସ୍ତାରେ ପାଦ ରଖିଦେଇଥିଲା । ଦିନେ ରାତିରେ ମହିଳା ଜଣଙ୍କ ନିଜର ଦୁଇ ବର୍ଷର ଶିଶୁ ଶୁଆଉଥିଲେ । ଉପର ଘରେ ତାଙ୍କ ୧୪ ବର୍ଷର ପୁଅ ଓ ସମ୍ପକୀୟ ଭଉଣୀ ଦୁହେଁ ଖେଳୁଥିଲେ। ହଠାତ୍ ଉପରୁ ଗପସପ ଶବ୍ଦ ବନ୍ଦ ହୋଇଯିବାରୁ ମହିଲା ଜଣଙ୍କ ଭାବିଲେ ପିଲା ଦୁହେଁ ଥକି ଯାଇ ଶୋଇପଡିଥିବେ । ସେଥି ପାଇଁ ସେ ଧୀର ପାଦରେ ଯାଇ ଘରର କବାଟ ଖୋଲି ଯାହା ଦେଖିଲେ ଆଶ୍ଚର୍ଯ୍ୟ ହୋଇଗଲେ । ତାଙ୍କ ପୁଅ ତା’ ଭଉଣୀ ବେକରେ ଛୁରି ଲାଗାଇ ତା’ସହ ଦୁଷ୍କର୍ମ କରୁଥିଲା, ପାଟି କଲେ ଜୀବନରୁ ମାରି ଦେବା ପାଇଁ ଧମକ ମଧ୍ୟ ଦେଉଥିଲା । ମହିଳା ଜଣଙ୍କ ଭୟଭୀତ ହୋଇ ସିଧା ତଳକୁ ଆସି ପୁଲିସକୁ ଫୋନ କରି ପୁଅକୁ ଜେଲ୍ ପଠାଇଥିଲେ ।