ସ୍ତ୍ରୀ ହସି ହସି କଥା ହେଉଥିବାରୁ ରାଗରେ ପରିବା ବିକାଳିକୁ ହତ୍ୟା କଲା ସ୍ୱାମୀ
ଜୟପୁର : ରାଜସ୍ଥାନର ରାଜମସନ୍ଦ ଜିଲ୍ଲାରେ ଏକ ଅଜବ ଘଟଣା ଘଟିଛି । ସ୍ତ୍ରୀ ପରିବା ବିକାଳି ସହ ହସି ହସି କଥା ହେଉଥିବାରୁ ସ୍ୱାମୀ ପରିବା ବିକାଳିକୁ ହତ୍ୟା କରିବା ଘଟଣା ଏବେ ସ୍ଥାନୀୟ ଅଞ୍ଚଳରେ ଚାଞ୍ଚଲ୍ୟ ଖେଳାଇ ଦେଇଛି। ଏହି ଘଟଣା ପରେ ପୁଲିସ ଅଭିଯୁକ୍ତକୁ ଗିରଫ କରିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ମୃତ ଲକ୍ଷ୍ମଣ ସବୁ ବେଳେ ଗାଁକୁ ପରିବା ବିକିବାକୁ ଆସୁଥିବା ବେଳ ଅଭିଯୁକ୍ତ ନୈନା ସିଂହ ତାଙ୍କୁ ପସନ୍ଦ କରୁ ନ ଥିଲେ । ସିଂହଙ୍କ ସ୍ତ୍ରୀ ଲକ୍ଷ୍ମଣଙ୍କ ସହ ପରିବା କିଣିବା ସମୟରେ ହସି ହସି କଥା ହେଉଥିବାରୁ ଦୁହିଁଙ୍କ ମଧ୍ୟରେ କିଛି ସଂପର୍କ ଥିବା ଭାବି ନେଇଥିଲେ ସିଂହ । ଯାହା ପାଇଁ ସେ ଲକ୍ଷ୍ମଣଙ୍କୁ ରାସ୍ତାରୁ ହଟାଇବା କଥା ଚିନ୍ତା କରିଥିଲେ । ରବିବାର ସଂନ୍ଧ୍ୟା ସମୟରେ ଲକ୍ଷ୍ମଣ ପରିବା ଆଣି ସିଂହଙ୍କ ଘର ଆଗରେ କିଣିବା ପାଇଁ ଡ଼ାକିବା ପରେ ସିଂହ ଘରୁ କଟୁରୀ ନେଇ ଲକ୍ଷ୍ମଣଙ୍କୁ ଆକ୍ରମଣ କରିଥିଲେ । ପ୍ରଥମ ଚୋଟଟି କାନରେ ବାଜିଥିବା ବେଳେ ଦ୍ୱିତୀୟ ଚୋଟ ଲକ୍ଷ୍ମଣଙ୍କ ବେକରେ ବାଜିଥିଲା । ଫଳରେ ଘଟଣାସ୍ଥଳରେ ଲକ୍ଷ୍ମଣଙ୍କ ମୃତ୍ୟୁ ଘଟିଥିଲା ।