୫ ସ୍ଥାନୀୟ ସଂକ୍ରମଣ ସମେତ କଟକରୁ ଆଜି ୩୨ ନୂଆ କରୋନା ଆକ୍ରାନ୍ତ ଚିହ୍ନଟ
କଟକ: କଟକରୁ ଆଜି ୫ଟି ସ୍ଥାନୀୟ ସଂକ୍ରମଣ ସମେତ ୩୨ ଜଣ କରୋନା ପଜିଟିଭ ଚିହ୍ନଟ ହୋଇଛନ୍ତି । ଅନ୍ୟ ୨୬ ଜଣ ସଂଗରୋଧ କେନ୍ଦ୍ରର (ସରକାରୀ ସଂଗରୋଧ କେନ୍ଦ୍ରରୁ ୫ ଜଣ ଓ ହୋମ କ୍ୱାରେଣ୍ଟାଇନରୁ ୨୧ ଜଣ) ହୋଇଥିବା ବେଳେ ଜଣେ ପେଡ୍ କ୍ବାରେଣ୍ଟାଇନରେ ଥିବା ଜଣାପଡ଼ିଛି । ସରକାରୀ ସଂଗରୋଧ କେନ୍ଦ୍ରରୁ ଚିହ୍ନଟ ହୋଇଥିବା ୫ ଜଣଙ୍କ ମଧ୍ୟରୁ ୪ ଜଣ ମହିଳା । ସେମାନଙ୍କର ବୟସ ଯଥାକ୍ରମେ ୧୮ବର୍ଷ, ୨୫ ବର୍ଷ ଓ ୨ଜଣଙ୍କର ବୟସ ୪୦ ବର୍ଷ ଲେଖାଏଁ ରହିଛି । ତେବେ ପୁରୁଷ ଆକ୍ରାନ୍ତଙ୍କ ବୟସ ୪୧ ବର୍ଷ । କଟକ ମହାନଗର ନିଗମ ପକ୍ଷରୁ ଏହି ସୂଚନା ଦିଆଯାଇଛି । ଗତକାଲି କଟକରୁ ୧୬ ଜଣ କରୋନା ପଜିଟିଭ ଚିହ୍ନଟ ହୋଇଥିବା ବେଳେ ଆଜି ଏହାର ୨ଗୁଣା ସଂକ୍ରମିତ ବାହାରି ଥିବାରୁ ସ୍ଥାନୀୟଲୋକଙ୍କର ଚିନ୍ତା ବଢ଼ିଯାଇଛି ।
Sambad is now on WhatsApp
Join and get latest news updates delivered to you via WhatsApp
କଟକ ସହରରେ ଏପର୍ଯ୍ୟନ୍ତ ମୋଟ ୩୯୮ ଜଣ ପଜିଟିଭ ଚିହ୍ନଟ ହୋଇଥିବା ବେଳେ ସେଥିରୁ ୨୨୫ ଜଣ ଆରୋଗ୍ୟଲାଭ କରିଛନ୍ତି । ମୋଟ ୮ ଜଣଙ୍କର ମୃତ୍ୟୁ ହୋଇଥିବା ବେଳେ ଏବେ ୧୬୫ ଜଣ ସକ୍ରିୟ ଅଛନ୍ତି ।
#COVID19 update in Cuttack city (CMC area)
Out of the 84 new COVID-19 +ve cases reported today in #Cuttack district, 32 +ve cases belong to Cuttack city (CMC area).
Another 8 recoveries have been reported recently! KUDOS to the efforts of all doctors & healthcare staff. pic.twitter.com/16spBWRDEG
— CMC,Cuttack (@CMCCuttack) July 21, 2020
ଆଜି ଖାନନଗରରୁ ୨ଜଣ ପୁରୁଷ (୨୫ ଓ ୫୪ ବର୍ଷ)କରୋନା ପଜିଟିଭ ଚିହ୍ନଟ ହୋଇଛନ୍ତି । ଦୁର୍ଗାଘର ନିକଟ ହରିପୁର ଅଂଚଳରୁ ଜଣେ ୩୨ ବର୍ଷିଅ ପୁରୁଷ, ଗୁଜୁରାଟୀ ବସ୍ତିରୁ ଜଣେ ୪୨ ବର୍ଷିଅ ପୁରୁଷ, କନିକା ଛକ ନିକଟରୁ ଜଣେ ୧୭ ବର୍ଷିଅ ପୁରୁଷ ଓ ୫୯ ବର୍ଷୀୟ ମହିଳା, ବକ୍ସିବଜାରର ମଣିସାହୁ ଛକ ନିକଟରୁ ୪ ଜଣ (ବୟସ ଯଥାକ୍ରମେ: ମହିଳା ୧୪, ୯ ବର୍ଷର ବାଳିକା, ୩୮ ଓ ପୁରୁଷ ୩), ଦେୱାନ ବଜାରରୁ ୪ ଜଣ ଚିହ୍ନଟ ହୋଇଛନ୍ତି । ଏମାନଙ୍କ ମଧ୍ୟରେ ୫୧, ୬୯ ଓ ୧୩ ବର୍ଷର ବାଳିକା ଓ ଜଣେ ୯ବର୍ଷର ବାଳକ ସାମିଲ ଅଛନ୍ତି । ଶଙ୍କରପୁର ପରିଡ଼ାସାହିରୁ ୫ଜଣ (୨୪ ବର୍ଷର ମହିଳା, ୨୦ ବର୍ଷର ପୁରୁଷ, ୬୦ ବର୍ଷର ପୁରୁଷ, ୩୬ ବର୍ଷର ପୁରୁଷ ଓ ୨ ବର୍ଷର ଶିଶୁକନ୍ୟା) ଚିହ୍ନଟ ହୋଇଛନ୍ତି । ଗୁଜୁରାଟୀ ବସ୍ତିରୁ ଚିହ୍ନଟ ଆକ୍ରାନ୍ତ ନାଗାଲାଣ୍ଡ ଓ କନିକା ଛକରୁ ଚିହ୍ନଟ ଆକ୍ରାନ୍ତ ସିକ୍କିମରୁ ଫେରିଥିଲେ । ସେହିପରି ଖାନନଗରର ୨୫ ବର୍ଷିଅ ଯୁବକ ଅନ୍ୟ ଜିଲ୍ଲାକୁ ଯାଇ ସଂକ୍ରମଣର ଶିକାର ହୋଇଛନ୍ତି ।
ଏତଦ ବ୍ୟତୀତ ତନ୍ତି ସାହିରୁ ଜଣେ ୨୫ ବର୍ଷିଅ ପୁରୁଷ, ଭଗତପୁର ମଙ୍ଗଳାମନ୍ଦିର ପାଖରୁ ଜଣେ ୧୧ ବର୍ଷିଅ ବାଳକ, ନରାଜ କୈବର୍ତ୍ତସାହିରୁ ଜଣେ ୩୪ ବର୍ଷିଅ ଯୁବକ, ଗୋପାଳପୁରରୁ ଜଣେ ୪୦ ବର୍ଷିଅ ଯୁବକ ଓ କାଳୀଗଳି ଗଣେଶ ମନ୍ଦିର ନିକଟରୁ ଜଣେ ୬୫ ବର୍ଷିଅ ବୃଦ୍ଧ କରୋନା ପଜିଟିଭ ଚିହ୍ନଟ ହୋଇଛନ୍ତି ।