୬ କୋଟିର ରିଚାର୍ଜ ଠକେଇ: କ୍ରାଇମବ୍ରାଞ୍ଚ କରିବ ତଦନ୍ତ!
ଥାନାରେ ୪ ଜଣଙ୍କ ବିରୋଧରେ ମାମଲା; ପୁଲିସ ରେକର୍ଡରେ ମାଲିକ ଫେରାର୍
କଟକ: ମୋବାଇଲ୍ ଓ ଡିଟିଏଚ୍ ରିଚାର୍ଜ ନାଁରେ ପ୍ରାୟ ୬ କୋଟି ଟଙ୍କା ଠକେଇ ଘଟଣାରେ ସଦର ଥାନା ପୁଲିସ ଶେଷରେ ଠକ ସ˚ସ୍ଥା ବିରୋଧରେ ଠକେଇ ମାମଲା ରୁଜୁ କରିଛି। ବୟାଳିଶମୌଜାର ସ˚ସ୍ଥାର ମାଲିକ ବିପ୍ର ଚରଣ ସ୍ବାଇଁ ସମେତ ୪ ଜଣ ସମ୍ପର୍କୀୟଙ୍କ ବିରୋଧରେ ମାମଲା ରୁଜୁ କରାଯାଇଛି। ଶେଷ ଥର ପାଇଁ ବୟାଳିଶମୌଜାରେ ଗଲା ୩ ତାରିଖରେ ଏମାନଙ୍କ ଫୋନ୍ ବ୍ୟବହାର ହୋଇଥିଲା। ସେବେଠାରୁ ସମସ୍ତଙ୍କ ଫୋନ୍ ସୁଇଚ୍ ଅଫ୍ ରହିଛି। ପୁଲିସ ରେକର୍ଡରେ ସହର ଛାଡ଼ି ଏମାନେ ଫେରାର ହୋଇଯାଇଛନ୍ତି। ଯେହେତୁ ରାଜ୍ୟରେ ପ୍ରାୟ ୨ ଲକ୍ଷରୁ ଅଧିକ ଗ୍ରାହକ ଠକେଇର ଶିକାର ହୋଇଛନ୍ତି, ଏହି ମାମଲା କ୍ରାଇମବ୍ରାଞ୍ଚ ହାତକୁ ନେବାର ସମ୍ଭାବନା ରହିଥିବା କୁହାଯାଉଛି।
Sambad is now on WhatsApp
Join and get latest news updates delivered to you via WhatsApp
ସୂଚନା ଅନୁଯାୟୀ, ବୟାଳିଶମୌଜା ଅଞ୍ଚଳର ଏକ ଘରୋଇ ସ˚ସ୍ଥା ମୋବାଇଲ୍ ଓ ଡିଟିଏଚ୍ ରିଚାର୍ଚ୍ଚ ପାଇଁ ରାଜ୍ୟରେ ପ୍ରାୟ ୨୦୦ରୁ ଅଧିକ ବେକାର ଯୁବକ ଯୁବତୀଙ୍କୁ ନିଯୁକ୍ତି ଦେଇଥିଲା। ଏମାନେ ସ˚ସ୍ଥା ପାଇଁ ଏଜେଣ୍ଟ ଭାବେ କାର୍ଯ୍ୟ କରୁଥିଲେ। ସ˚ସ୍ଥାର ଚୁକ୍ତି ମୁତାବକ ରିଚାର୍ଜ ପ୍ୟାକେଜ୍ରେ ଏକ ବର୍ଷ ପର୍ଯ୍ୟନ୍ତ ମାଗଣା ସେବା ଯୋଗାଇବାର ସର୍ତ୍ତ ରଖାଯାଇଥିବା ବେଳେ ୪ ମାସ ଭିତରେ ସେବା ବନ୍ଦ ହେବାରୁ ବଡ଼ ଧରଣର କେଳେଙ୍କାରୀ ସାମନାକୁ ଆସିଥିଲା। ଡିସିପିଙ୍କ କାର୍ଯ୍ୟାଳୟରେ ଗଲା ୪ ତାରିଖରେ ଠକେଇ ସ˚କ୍ରାନ୍ତରେ ଅଭିଯୋଗ ହୋଇଥିଲା। ସ˚ସ୍ଥା ମାଲିକ ଗଣମାଧ୍ୟମ କିମ୍ବା ପୁଲିସ ସାମନାକୁ ନଆସି ଗିରଫ ଭୟରେ ଏକ ଭିଡଓ ଗଲା ୬ ତାରିଖରେ ସୋସିଆଲ୍ ମିଡିଆରେ ଭାଇରାଲ୍ କରିଥିଲେ। ତାଙ୍କୁ ଏଜେଣ୍ଟମାନେ ଫସାଇ ଦେଇଥିବା ଓଲଟି ଭିଡିଓ ମାଧ୍ୟମରେ ଅଭିଯୋଗ ଆଣିଥିଲେ। ଏଜେଣ୍ଟଙ୍କ ବିରୋଧରେ ଆଇନଗତ କାର୍ଯ୍ୟାନୁଷ୍ଠାନ ପାଇଁ ଯୋଜନା କରୁଥିବା କହି ନିଜେ ଫେରାର ହୋଇଯାଇଛନ୍ତି। ଅନ୍ୟପଟେ ଡିସିପିଙ୍କ ଅଫିସରେ ସ˚ସ୍ଥାର ଏଜେଣ୍ଟଙ୍କ ଅଭିଯୋଗ ଆଧାରରେ ସଦର ଥାନା ପୁଲିସ ସ˚ସ୍ଥା ମାଲିକ ବିପ୍ରଙ୍କ ସମେତ ୩ ଜଣଙ୍କ ବିରୋଧରେ ଆଇପିସି ଦଫା ୪୧୯, ୪୨୦, ୪୬୫, ୩୪ ଏବ˚ ସୂଚନା ପ୍ରଯୁକ୍ତିବିଦ୍ୟା ଆଇନର ଧାରା ୬୬(ସି), ୬୬(ଡି)ରେ ମାମଲା ରୁଜୁ କରିଥିବା ଏବେ ସେମାନେ ଫେରାର ଥିବା ଥାନା ଆଇଆଇସି ସୁଧା˚ଶୁ ଭୂଷଣ ଜେନା ସୂଚନା ଦେଇଛନ୍ତି। ପୁଲିସ ସେମାନଙ୍କୁ ଧରିବାକୁ ବିପ୍ରଙ୍କ ସମ୍ପର୍କୀୟଙ୍କ ଘରେ ଚଢ଼ଉ ଆରମ୍ଭ କରିଥିବା ସୂଚନା ମିଳିଛି।