ବାଲିପାଟଣା : ଭୁବନେଶ୍ୱର ଉପକଣ୍ଠ ବାଲିପାଟଣା ଥାନା ଗୁଆପୁର ପଞ୍ଚାୟତ ବସ୍ତଡ଼ିହ ଗ୍ରାମରେ ଆଜି ସନ୍ଧ୍ୟାରେ ଅଗ୍ନିକାଣ୍ଡ ଘଟିଛି | ବିବାହ ଭୋଜିରୁ ନିଆଁରୁ ନିକଟରେ ଥିବା ପାଳଗଦା ଜଳି ପାଉଁଶ ହୋଇଯାଇଛି | ବାଲିପାଟଣା ଅଗ୍ନିଶମ ବିଭାଗ ପହଁଞ୍ଚି ନିଆଁ ଲିଭା କାର୍ଯ୍ୟରେ ନିୟୋଜିତ ହୋଇଥିଲେ | ହେଲେ ନିଆଁକୁ ଆୟତ୍ତ କରିବା ସମ୍ଭବ ହୋଇ ନ ଥିଲା |
Sambad is now on WhatsApp
Join and get latest news updates delivered to you via WhatsApp
ପ୍ରାପ୍ତ ସୂଚନା ଅନୁସାରେ, ଆଜି ନରଦା ଅଞ୍ଚଳର ରବି ଶଙ୍କର ସାବୁତଙ୍କ ପୁଅ ବାହାଘର ଭୋଜି ବସ୍ତଡ଼ିହ ଗ୍ରାମରେ ଆୟୋଜନ ହୋଇଥିଲା | ନିକଟରେ ଥିବା ବିଦ୍ୟୁତ ତାରରୁ ଟେଣ୍ଟ ହୁକ ପକାଇ ଲାଇନ ଆସିଥିଲା | ହୁକ ସ୍ଥାନରୁ ହଠାତ ସଟସର୍କିଟ ହୋଇ ନିଆଁ ଝଡି ଥିଲା |
ସେହି ଗ୍ରାମର ନବଘନ ସାହୁଙ୍କ ପାଳଗଦାରେ ନିଆଁ ଲାଗି ଯାଇଥିଲା | ବାଲିପାଟଣା ଅଗ୍ନିଶମ ବିଭାଗ ଏବଂ ପୁଲିସ ଘଟଣା ସ୍ଥଳରେ ପହଁଞ୍ଚିଥିଲେ | ବିଦ୍ୟୁତ କାର୍ଯ୍ୟାଳୟ ଖବର ପାଇ ବିଦ୍ୟୁତ ସଂଯୋଗ ବିଛିନ୍ନ କରିଥିଲା | ଅଗ୍ନିକାଣ୍ଡରେ ପ୍ରାୟ ୫ ଏକର ଜମିର ପାଳ ଜଳି ପାଉଁଶ ହୋଇଯାଇଛି |