ଭବାନୀପାଟଣା : କଳା ଓ ସାହିତ୍ୟ କ୍ଷେତ୍ରରେ କାର୍ଯ୍ୟରତ ଅଖିଳ ଭାରତୀୟ ସଂଗଠନ ସଂସ୍କାର ଭାରତୀର ବାର୍ଷିକ ସାଧାରଣ ସଭା ଅନଲାଇନ ମାଧ୍ୟମରେ ଅନୁଷ୍ଠିତ ହୋଇଥିଲା । ଏହି ସଭାରେ ଉତ୍କଳ ପଶ୍ଚିମ ପ୍ରାନ୍ତରୁ ସଭାପତି ପ୍ରଭାସ ଚନ୍ଦ୍ର ମିଶ୍ର , ସାଧାରଣ ସମ୍ପାଦକ ହରେକୃଷ୍ଣ ଭୋଇ ,କୋଷାଧ୍ୟକ୍ଷ ଉମେଶ ଚନ୍ଦ୍ର ପଣ୍ଡା ,ମାତୃଶକ୍ତି ଜ୍ୟୋତି ରାଣୀ ଦାସ , ସହ କୋଷାଧ୍ୟକ୍ଷ ସୁରେନ୍ଦ୍ର ପ୍ରସାଦ ନେଗୀ ପ୍ରମୁଖ ଯୋଗ ଦେଇଥିଲେ l
Sambad is now on WhatsApp
Join and get latest news updates delivered to you via WhatsApp
ବର୍ତ୍ତମାନ କରୋନା ମହାମାରୀ ସମୟରେ କଳାକାରମାନେ ଅନେକ ଅଭାବ ଅସୁବିଧାର ସମ୍ମୁଖୀନ ହଉଥିବା ହେତୁ ସଂସ୍କାର ଭାରତୀ ସଂଗଠନ ସମଗ୍ର ଭାରତ ବର୍ଷରେ ୭୧୨୨୦ ଜଣ କଳାକାରଙ୍କୁ ଆର୍ଥିକ ସହାୟତା ଯୋଗାଇ ଦେଇଛି l କରୋନା ସଂକ୍ରମଣ କାଳରେ କେନ୍ଦ୍ର, ରାଜ୍ୟ ସରକାର ଓ ସ୍ଥାନୀୟ ପ୍ରଶାସନ ଦ୍ୱାରା ଆର୍ଥିକ ସହାୟତା ଯୋଗାଇ ଥିଲେ ମଧ୍ୟ ତାହା ପର୍ଯ୍ୟାପ୍ତ ନୁହେଁ । ଏଣୁ କେନ୍ଦ୍ର ଓ ରାଜ୍ୟ ସରକାର, ସ୍ଥାନୀୟ ପ୍ରଶାସନ ତଥା କର୍ପୋରେଟ୍ ସଂସ୍ଥା ମାନେ କଳାକାର ମାନଙ୍କୁ ଅନଲାଇନ ମାଧ୍ୟମରେ ଜୀବନ୍ତ କାର୍ଯ୍ୟକ୍ରମ ଆୟୋଜନ କରି କଳାକାର ମାନଙ୍କୁ ପାରିଶ୍ରମିକ ଦିଆଗଲେ କଳାକାରମାନଙ୍କ ସମ୍ମାନ ରକ୍ଷା ହୋଇପାରିବ ବୋଲି ମତପ୍ରକାଶ ପାଇଥିଲା । ଭାରତୀୟ ଦର୍ଶନ ସହିତ ଭାରତୀୟ କଳା ନିବିଡ଼ ସମ୍ପର୍କ ରହିଛି କିନ୍ତୁ କିଛି ବ୍ୟକ୍ତି, ସଂସ୍ଥା ତଥା ବିଚାରଧାରା ଦ୍ୱାରା ଭାରତୀୟ କଳା ସଂସ୍କୃତି ଉପରେ ବାରମ୍ବାର ଆକ୍ରମଣ କରାଯାଉଛି ଏବଂ କଳା ଜଗତକୁ ପ୍ରଦୂଷିତ କରାଯାଉଛି l ଏଣୁ ସଦସ୍ୟମାନେ ସଜାଗ ରହିବା ସହିତ ଆବଶ୍ୟକ ସ୍ଥଳେ ଏହା ବିରୋଧରେ ସ୍ୱର ଉତ୍ତୋଳନ କରିବା ପାଇଁ ସଭାରେ ମତ ପ୍ରକାଶ ପାଇଥିଲା ।