ବାଲିଅନ୍ତା: ବାଳକାଟି ଫାଣ୍ଡି ଅଧୀନ ଗଞ୍ଜେଇ ଗୋଦାମ ଛକ ନିକଟରେ ଥିବା ଏକ ପୋଖରୀରୁ ଆଜି ସକାଳେ ଏକ ଶିଶୁ କନ୍ୟାର ଖଣ୍ଡ ବିଖଣ୍ଡିତ ମୃତଦେହ ଉଦ୍ଧାର ହୋଇଛି । ଶିଶୁର ଦୁଇ ଦିନ ମଧ୍ୟରେ ମୃତ୍ୟୁ ହୋଇଯାଇଥିବାରୁ ଶବ ପଚିଯାଇଥିବା ଦେଖିବାକୁ ମିଳିଛି ।
Sambad is now on WhatsApp
Join and get latest news updates delivered to you via WhatsApp
ନିର୍ଦ୍ଧାରିତ ସମୟ ପୂର୍ବରୁ ଅପରିପକ୍ବ ଅବସ୍ଥାରେ ଶିଶୁଟି ଜନ୍ମ ହୋଇଯାଇଥିବା ଅଥବା କୌଣସି ମହିଳା ଗର୍ଭ ନଷ୍ଟ କରାଇବା ପରେ ଲୋକ ଲଜ୍ଜା ଭୟରେ ପୋଖରୀକୁ ଫିଙ୍ଗି ଦେଇଥିବା ଆଲୋଚନା ହେଉଛି । ଆଜି ସକାଳେ ପୋଖରୀକୁ ଶୌଚ ହେବାକୁ ଯାଇଥିବା ବେଳେ ଜଣେ ବ୍ୟକ୍ତି ଏକ ଶିଶୁର ମୃତଦେହ ପୋଖରୀରେ ଭାସୁଥିବା ଦେଖି ନିଲାମଧାରୀଙ୍କୁ ଜଣାଇଥିଲେ ।
ଖବର ପାଇ ନିଲାମଧାରୀ ପାଣିରୁ ଶବ ଉପରକୁ ଫିଙ୍ଗି ଦେଇଥିବା ସୂଚନା ମିଳିଛି । ଏହାକୁ ଦେଖିବା ପାଇଁ ପୋଖରୀ ହୁଡ଼ାରେ ଲୋକଙ୍କର ଭିଡ଼ ଜମିଥିଲା । ବାଳକାଟି ଫାଣ୍ଡି ପୁଲିସ ଘଟଣାସ୍ଥଳରେ ପହଞ୍ଚି ଫେରି ଯାଇଥିଲା ।