ପିକଅପ ଭ୍ୟାନ ସହ ଲକ୍ଷାଧିକ ଟଙ୍କାର ସାଗୁଆନ କାଠ ଜବତ
ବନ୍ତଳା: ଅନୁଗୁଳ ବ୍ଲକ ବନ୍ତଳା ବନାଞ୍ଚଳରେ ଚୋରା ଚାଲାଣ ହେଉଥିବା ସାଗୁଆନ କାଠ ବୋଝେଇ ପିକଅପ ଭ୍ୟାନକୁ ବନ ବିଭାଗ ଜବତ କରିଛି। ଜବତ ହୋଇଥିବା ସାଗୁଆନ କାଠର ମୂଲ୍ୟ ପ୍ରାୟ ୧ ଲକ୍ଷ ଟଙ୍କା ହେବ ବୋଲି ବନ ବିଭାଗ ପକ୍ଷରୁ କୁହାଯାଇଛି। ବନ ବିଭାଗ ସୂତ୍ରରୁ ପ୍ରକାଶ ଯେ, ଆଜି ଦିନ ପ୍ରାୟ ସାଢ଼େ ୧୧ଟା ବେଳେ କରତପଟା ପାର୍ଶ୍ଵରୁ ବନ୍ତଳା ଅଭିମୁଖେ ଏକ ଚୋରା କାଠ ବୋଝେଇ ପିକଅପ ଭ୍ୟାନ (ଓଆର-୦୨-ଏକିଉ-୯୮୪୪)ଆସୁଥିବା ବନ ବିଭାଗ ଖବର ପାଇଥିଲା। ଫଳରେ ପୋକତୁଙ୍ଗା ଗ୍ରାମ ନିକଟରେ ବନ ବିଭାଗର କର୍ମଚାରୀ ମାନେ ଜଗି ରହିଥିଲେ।
Sambad is now on WhatsApp
Join and get latest news updates delivered to you via WhatsApp
ପିକଅପ ଭ୍ୟାନଟି ବନ କର୍ମଚାରୀମାନଙ୍କୁ ଦେଖି ପୋକତୁଙ୍ଗା ଗ୍ରାମ ଭିତରକୁ ପଳାଇଯାଇଥିଲା ଓ ସେଠାରେ ଗାଡି ଛାଡି ଗାଡି ଚାଳକ ଫେରାର ହୋଇଯାଇଥିଲା। ବନ ବିଭାଗ ପୋକତୁଙ୍ଗା ଗ୍ରାମରୁ ଏହି ପିକଅପ ଭ୍ୟାନ ଜବତ କରିଥିଲା। ସେଥିରେ ଥିବା ୧୫ଟି ସାଗୁଆନ ଗଣ୍ଡି(୩୭.୮ସିଫ୍ଟ)ମଧ୍ୟ ଜବତ କରାଯାଇଛି। ଯାହାର ମୂଲ୍ୟ ପ୍ରାୟ ୧ ଲକ୍ଷ ଟଙ୍କା ହେବ ବୋଲି ଜଣାପଡିଛି। ଚଢ଼ାଉ ବେଳେ ବନ୍ତଳା ବନାଞ୍ଚଳ ଅଧିକାରୀ ମାଧବ ନାୟକ, ଫରେଷ୍ଟର ଅରୁଣ ପ୍ରଧାନ, କୁଶଧ୍ୱଜ ନାୟକ, ଫରେଷ୍ଟ ଗାର୍ଡ ବଶିଷ୍ଠ ଦେହୁରୀ ସାମିଲ ହୋଇଥିଲେ।