ପିକନିକ ହେଲା କାଳ, କୋଏଲ ନଦୀରେ ବୁଡି ଜଣେ ମୃତ, ଜଣେ ଉଦ୍ଧାର
ରାଉରକେଲା: ପିକନିକ ପାଇଁ ଯାଇ ନଦୀରେ ବୁଡି ଜଣେ ଯୁବକର ମୃତ୍ୟୁ ହୋଇଛି । ଝିରପାଣି ନିକଟ ଜାମସେରା ଘାଟରେ ବୁଡି ଯୁବକ ମୃତ୍ୟୁବରଣ କରିଥିବା ଜଣାଯାଇଛି । ଯୁବକ ଙ୍କ ନାଁ ନିତିନ ବେହେରା। ଘର ଫର୍ଟିଲାଇଜର ଅଞ୍ଚଳର । ମୃତ ଦେହକୁ ଅଗ୍ନିଶମ ବିଭାଗ ପକ୍ଷରୁ ଉଦ୍ଧାର କରାଯାଇଛି ।
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁସାରେ ଆଜି ୭ ରୁ ୮ ସାଙ୍ଗ ଜାମସେରା ଘାଟକୁ ପିକନିକ କରିବାକୁ ଯାଇଥିଲେ । ଗାଧୋଇଲା ବେଳେ ନିତିନ ପାଣିରେ ବୁଡି ଯାଇଥିଲେ । ଅନ୍ୟ ଜଣେ ସାଙ୍ଗ ତାକୁ ଉଦ୍ଧାର କରିବାକୁ ଯାଇ ମଧ୍ୟ୍ୟ ବୁଡି ଯାଇଥିଲେ, ତେବେ ତାଙ୍କୁ ଉଦ୍ଧାର କରାଯାଇଥିଲା । ବନ୍ଧମୁଣ୍ଡା ପୁଲିସ ଶବ ଜବତ କରି ଘଟଣାର ତଦନ୍ତ ଚଳାଇଛି ।