ଚୌଦ୍ବାର ବଡ଼ପଦା ଗ୍ରାମରେ କୃଷକ ସୁରକ୍ଷା ମଞ୍ଚ ପକ୍ଷରୁ ରେଳରୋକ
କଟକ/ଚୌଦ୍ୱାର: ଚୌଦ୍ବାର ବଡ଼ପଦା ଗ୍ରାମ ବଡ଼ସାଆନ୍ତରାପୁର ପଞ୍ଚାୟତ ଠାରେ କୃଷକ ସୁରକ୍ଷା ମଞ୍ଚ ପକ୍ଷରୁ ରେଳ ରୋକ କରାଯାଇଥିବାର ଖବର ମିଳିଛି। ଏଠାରେ ବ୍ରିଜ ଅଣ୍ଡର ପାସ ରୋଡ ନିର୍ମାଣ ଦାବି କରି ଶହ ଶହ ପୁରୁଷ ଓ ମହିଳାଙ୍କ ଦ୍ୱାରା ରେଳ ରୋକ କରାଯାଇଛି। ବାରମ୍ବାର ରେଳବାଇ କର୍ତ୍ତୃପକ୍ଷଙ୍କୁ ଦାବି କରିବା ପରେ କୌଣସି ପଦକ୍ଷପ ନିଆଯାଇ ନଥିବାରୁ ଆଜି ରେଳ ରୋକ କରାଯାଇଛି।
Sambad is now on WhatsApp
Join and get latest news updates delivered to you via WhatsApp
ଘଟଣା ସ୍ଥଳରେ ଜିଆରପିଏଫ ଓ ଚୌଦ୍ୱାର ପୁଲିସ ମୁତୟନ ରହିଛନ୍ତି। ରେଳ ଧାରଣା ଉପରେ ଦୁର୍ଗ-ପୁରୀ ଏକ୍ସପ୍ରେସକୁ ଅଟକାଇ ବିକ୍ଷୋଭ ପ୍ରଦର୍ଶନ କରାଯାଇଛି। କୌଣସି ପ୍ରକାରର ପ୍ରତିଶ୍ରୁତି ନ ମିଳିଲେ ଏହି ରେଳରୋକ ୧୨ ଘଣ୍ଟିଆ କରାଯିବ ବୋଲି ଉକ୍ତ ମଞ୍ଚ ପକ୍ଷରୁ ଚେତାବନୀ ଦିଆଯାଇଛି।