ରାଉରକେଲା : ପିଡ଼ିଏସ ଚାଉଳ ବୋଝେଇ ଟ୍ରକ ଧକ୍କାରେ ବୃଦ୍ଧାଙ୍କ ମୃତ୍ୟୁ ହୋଇଛି । ମୃତକ ହେଲେ ନୂଆଗାଁ ସୋରଡ଼ା କଦମଟୋଲିର ମାଙ୍ଗୀ ଓରାମ ।
Sambad is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ, ଡ୍ରାଇଭରକୁ ଅଟକ ରଖିବା ସହ କ୍ଷତିପୂରଣ ଦାବିରେ ସ୍ଥାନୀୟ ଲୋକ ସରୋଡା ରାଞ୍ଚି ରାସ୍ତା ଅବରୋଧ କରିଛନ୍ତି। ବିଶ୍ରା ପୁଲିସ ଘଟଣାସ୍ଥଳରେ ପହଞ୍ଚି ଉତ୍ତେଜିତ ଲୋକଙ୍କୁ ବୁଝାସୁଝା କରୁଛି । ମିଳିଥିବା ସୂଚନା ମୁତାବକ ଆଜି ସଂଧ୍ୟା ପ୍ରାୟ ୬ଟାରେ ମାଙ୍ଗୀ ପିଡ଼ିଏସ ଚାଉଳ ନେବାକୁ ସରୋଡା ପଞ୍ଚାୟତ ଅଫିସକୁ ଆସିଥିଲେ। ଚାଉଳ ଉଠାଇ ପୁଅ ଦେବା ପରେ ଚାଲି ଚାଲି ଘରକୁ ଯାଉଥିଲେ । ରାଉରକେଲା ଏସଟିଆଇ ଛକରୁ ପିଡ଼ିଏସ ଚାଉଳ ବୋଝେଇ ଟ୍ରକ ନୂଆଗାଁ ଚିତାପେଡି ପଂଚାୟତ ଅଫିସ ଯାଉଥିଲା । କଦମଟୋଲୀ ଛକରେ ଟ୍ରକଟି ବୃଦ୍ଧଙ୍କୁ ଧକ୍କା ଦେଇଥିଲା । ଫଳରେ ଘଟଣାସ୍ଥଳରେ ବୃଦ୍ଧଙ୍କ ମୃତ୍ୟୁ ହୋଇଥିଲା।