ଦବଙ୍ଗର ମୁନ୍ନି କ’ଣ ‘ଦବଙ୍ଗ୍-୩’ରେ ଅଛନ୍ତି ? ଜାଣନ୍ତୁ କି ଉତ୍ତର ଦେଲେ ମଲ୍ଲାଇକା ଅରୋରା
ମୁମ୍ବାଇ: ବଲିଉଡର ଲୋକପ୍ରିୟ ନାୟକ ସଲମାନ୍ ଖାନ୍ଙ୍କ ଫିଲ୍ମ‘ଦବଙ୍ଗ୍-୩’ର ସୁଟିଂ ଜୋରସୋରରେ ଚାଲିଛି। ଏହି ସିନେମାରେ ସଲମାନ୍ ଖାନ୍ଙ୍କ ବିପକ୍ଷରେ ସୋନାକ୍ଷୀ ସିହ୍ନା ଓ ନବାଗତା ସାଇଙ୍କୁ ନାୟିକା ଭୂମିକାରେ ଦେଖିବାକୁ ମିଳିବ। ତେବେ ‘ଦବଙ୍ଗ୍-୩’ରେ ଆଇଟମ୍ ଗର୍ଲ ମଲ୍ଲାଇକା ଅରୋରାଙ୍କୁ ଦେଖିବାକୁ ମିଳିବ କି ନା,ତା’କୁ ନେଇ ସଂଶୟ ଦେଖା ଦେଇଛି।
Sambad is now on WhatsApp
Join and get latest news updates delivered to you via WhatsApp
ମଲ୍ଲାଇକା ‘ଦବଙ୍ଗ୍’ର ‘ମୁନ୍ନି ବଦନାମ୍ ହୁଇ….’ଗୀତରେ ଆଇଟମ୍ ଡ୍ୟାନ୍ସ କରି ବେଶ୍ ହଟଚମଟ ସୃଷ୍ଟି କରିଥିଲେ। ‘ଦବଙ୍ଗ-୩’ରେ ଆପଣ ଅଛନ୍ତି କି ବୋଲି ମଲ୍ଲାଇକା ଅରୋରାଙ୍କୁ ଯେତେବେଳେ ପ୍ରଶ୍ନ କରାଗଲା,ସେତେବେଳେ କ’ଣ ଥିଲା ତାଙ୍କର ଉତ୍ତର ଜାଣନ୍ତି!
ଏହାର ଉତ୍ତରରେ ‘ଦବଙ୍ଗ୍-୩’ର ପ୍ରଯୋଜକ ଅରବାଜ୍ ଖାନ୍ଙ୍କ ପୂର୍ବତନ ପତ୍ନୀ ମଲ୍ଲାଇକା ଅରୋରା କହିଥିଲେ ଯେ ସେ ଏଥିରେ କାମ କରୁନାହାନ୍ତି। ସେ ଆହୁରି ମଧ୍ୟ କହିଥିଲେ ଯେ ଏଥିରେ ଆଗରୁ କାମ କରିଥିବା କେତେକ କଳାକାର ବି ନାହାନ୍ତି। ତେବେ ‘ଦବଙ୍ଗ୍-୩’ର ସଫଳତା କାମନା କରିଛନ୍ତି ମଲ୍ଲାଇକା। ସେ ନିଜର ପ୍ରଯୋଜନା ସଂସ୍ଥା ଖୋଲି ଭିନ୍ନ ଧରଣର ସୋ’ ନିର୍ମାଣ କରିବେ ବୋଲି କହିଛନ୍ତି ମଲ୍ଲାଇକା ଅରୋରା।