ମୁମ୍ବାଇ: ବଲିଉଡ ଖିଲାଡୀ ଅକ୍ଷୟ କୁମାରଙ୍କ ଅଭିନୀତ ‘ପୃଥ୍ୱୀରାଜ’ କିଛିଦିନ ମଧ୍ୟରେ ପ୍ରେକ୍ଷାଳୟରେ ମୁକ୍ତିଲାଭ କରିବାକୁ ଯାଉଛି | ଏହି ଚଳଚ୍ଚିତ୍ର ମାଧ୍ୟମରେ ମାନୁଶି ଚିଲାର ବଲିଉଡରେ ପାଦ ଦେବାକୁ ଯାଉଛନ୍ତି। ତେବେ ଚଳଚ୍ଚିତ୍ରଟି ରିଲିଜ ହେବା ପୂର୍ବରୁ ବିବାଦରେ ଛନ୍ଦି ହୋଇଯାଇଛି | ବାସ୍ତବରେ ଫିଲ୍ମର ନାମ ପରିବର୍ତ୍ତନ କରିବାକୁ ୟଶରାଜ ଷ୍ଟୁଡିଓ ନିକଟରେ କରଣୀ ସେନା ଦାବି କରିଥିଲେ। ସେନା ପକ୍ଷରୁ କୁହାଯାଇଥିଲା ଯେ ଫିଲ୍ମର ନାମ ‘ପୃଥ୍ୱୀରାଜ’ ବଦଳରେ ‘ସମ୍ରାଟ ପୃଥ୍ୱୀରାଜ’ ନାମରେ ରଖାଯାଉ | ଆଉ ଦାବି ପରେ ୟଶରାଜ ଷ୍ଟୁଡିଓ କରଣୀ ସେନାର ପରାମର୍ଶ ଗ୍ରହଣ କରିଛି ଏବଂ ଫିଲ୍ମର ନାମ ପରିବର୍ତ୍ତନ କରିବାକୁ ନିଷ୍ପତ୍ତି ନେଇଛି |
Sambad is now on WhatsApp
Join and get latest news updates delivered to you via WhatsApp
ଶ୍ରୀ ରାଷ୍ଟ୍ରିୟ ରାଜପୁତ କରଣୀ ସେନା ପକ୍ଷରୁ ଆଜି ୟଶରାଜ ଷ୍ଟୁଡିଓର ସିଇଓ ଅକ୍ଷୟ ବିଦାନୀଙ୍କୁ ଭେଟି ଫିଲ୍ମର ନାମ ପରିବର୍ତ୍ତନ କରିବାକୁ ଦାବି କରାଯାଇଥିଲା । ଏହା ପରେ ୟଶରାଜ ଷ୍ଟୁଡିଓ କରଣୀ ସେନାକୁ ଏକ ଚିଠି ପଠାଇଛି । ଯେଉଁଥିରେ ଲେଖାଯାଇଛି ଯେ ଆମେ ଫିଲ୍ମର ଟାଇଟଲ୍ ‘ପୃଥ୍ୱୀରାଜ’ ରୁ ‘ସମ୍ରାଟ ପୃଥ୍ୱୀରାଜ’ଙ୍କୁ ପରିବର୍ତ୍ତନ କରିବୁ |
ସୂଚନା ଥାଉ କି ‘ପୃଥ୍ୱୀରାଜ’ରେ ଅକ୍ଷୟ କୁମାରଙ୍କ ସହିତ ସଞ୍ଜୟ ଦତ୍ତ, ସୋନୁ ସୁଦ ଏବଂ ଆଶୁତୋଷ ରାଣାଙ୍କ ଗୁରୁତ୍ୱପୂର୍ଣ୍ଣ ଭୂମିକାରେ ନଜର ଆସିବେ | ଏହି ଚଳଚ୍ଚିତ୍ରର ନିର୍ଦ୍ଦେଶନା ଡ଼. ଚନ୍ଦ୍ରପ୍ରକାଶ ଦ୍ୱିବେଦୀ ଦେଇଥିବାବେଳେ ଜୁନ ୩ରେ ପ୍ରେକ୍ଷାଳୟରେ ମୁକ୍ତିଲାଭ କରିବାକୁ ଯାଉଛି |