ପୁଲଓ୍ଵାମା ଆକ୍ରମଣ ପରେ ଯଦି କେହି ଅହିଂସା ଏବଂ ଶାନ୍ତିର ଭାଷଣ ଦିଏ, ତା’ ମୁହଁରେ କଳା ବୋଳି ଗଧ ପିଠିରେ ବସାଇ ଚାପୁଡ଼ା ମାରିବା ଦରକାର : କଙ୍ଗନା ରାନାଓ୍ଵତ୍
ମୁମ୍ବାଇ : ଫେବୃଆରି ୧୪ରେ ପୁଲଓ୍ଵାମା ଜିଲ୍ଲାରେ ଯେଉଁ ହୃଦୟ ଥରାଇବା ଭଳି ଘଟଣା ଘଟିଥିଲା, ତାହା ଏବେ ବି ସବୁ ଭାରତବାସୀଙ୍କ ମନରେ ପ୍ରତିଶୋଧର ନିଆଁ ହୋଇ ଜଳୁଛି । ପାକିସ୍ତାନର ଏଭଳି କାପୁରୁଷ କାମର ଉଚିତ୍ ଜବାବ ଦିଆ ଯାଉ ବୋଲି ଲୋକମାନେ ଦାବି କରୁଥିବା ବେଳେ କିଛି ଲୋକ ଅହିଂସା ଉପାୟରେ ଏହି ପରିସ୍ଥିତିର ସମାଧାନ ପାଇଁ ଅନୁରୋଧ କରୁଛନ୍ତି । ଏହାକୁ ନେଇ ଶେଷରେ ନିଜ ମୁହଁ ଖୋଲିଛନ୍ତି ଅଭିନେତ୍ରୀ କଙ୍ଗନା ରାନାଓ୍ଵତ।
Sambad is now on WhatsApp
Join and get latest news updates delivered to you via WhatsApp
ସେ କହିଛନ୍ତି, ‘ପାକିସ୍ତାନ ଆମ ଦେଶକୁ କ୍ଷତି ପହଞ୍ଚାଇବା ସହ ଆମର ଆତ୍ମସମ୍ମାନକୁ ମାଟିରେ ମିଶାଇଛି । ସେ ଏଭଳି ଆକ୍ରମଣ କରି ଆମକୁ ଖୋଲାଖୋଲି ଭାବରେ ଧମକ ଦେଇଛି । ଏଭଳି ପରିସ୍ଥିତିରେ ପାକିସ୍ତାନକୁ ଉଚିତ୍ ଦଣ୍ଡ ଦେବାକୁ ହେବ । ନ ହେଲେ ସେମାନେ ଆମ ଚୁପ୍ ରହିବାକୁ ଆମର ଦୁର୍ବଳତା ବୋଲି ଭାବି ନେବେ । ଆମର ବାହାଦୁର୍ ଯବାନଙ୍କୁ ହତ୍ୟା କରିବା ଆମ ମାନଙ୍କ ପେଟରେ ଛୁରା ମାଡ଼ କରିବା ଭଳି । ଏତେ ସବୁ ହେବା ପରେ ଯଦି କିଏ ଅହିଂସା ଏବଂ ଶାନ୍ତି ବିଷୟରେ ଭାଷଣ ଦେବ, ତା’ ମୁହଁରେ କଳା ବୋଳି ତାଙ୍କୁ ଗଧ ପିଠିରେ ବସାଇ ଦେବା ଦରକାର । ଚାପୁଡ଼ା ପରେ ଚାପୁଡ଼ା ମାରି ତାକୁ ବୁଲାଇବା ଦରକାର।’
ପାକିସ୍ତାନକୁ ନେଇ କଙ୍ଗନାଙ୍କ ଏଭଳି ବୟାନକୁ ସହି ପାରି ନଥିଲେ ପାକିସ୍ତାନୀ ଅଭିନେତ୍ରୀ ରାବିୟା ବଟ୍ଟ । କଙ୍ଗନା ଏବେ ନିଜ ଚେହେରା ଲୁଚାଇବାକୁ ଚେଷ୍ଟା କରୁଛନ୍ତି । ମଣିକର୍ଣ୍ଣିକାକୁ ନେଇ ଯେମିତି କିଛି ବିବାଦୀୟ ଚର୍ଚ୍ଚା ନ ହେଉ, ସେ ନେଇ ସେ ଦେଶର ସ୍ୱର ବନି ଯାଇଛନ୍ତି । ଯଦି କେହି ନିଜ ପେସାଦାର ଜୀବନରେ କୌଣସି ସମସ୍ୟା ଦେଇ ଗତି କରୁଛି । ତାକୁ କଙ୍ଗନାଙ୍କ ଭଳି ରାଷ୍ଟ୍ରବାଦ ଉପରେ ଭାଷଣ ମାରିବା ଆରମ୍ଭ କରିଦେବା ଦରକାର ବୋଲି ରାବିୟା କହିଛନ୍ତି ।