କେଉଁ କାରଣ ପାଇଁ ‘ଭାରତ’କୁ ଡ଼ରୁଛନ୍ତି ବଲିଉଡ୍ର ଦବଙ୍ଗ ଖାନ୍? ଜାଣନ୍ତୁ କାରଣ
ମୁମ୍ବାଇ : ସୁଟିଂ ଆରମ୍ଭ ହେବା ପୂର୍ବରୁ ହିଁ ଚର୍ଚ୍ଚାରେ ରହି ଆସିଛି ଦବଙ୍ଗ ଖାନ୍ ସଲମାନ ଏବଂ କ୍ୟାଟ୍ରିନାଙ୍କ ଅଭିନୀତ ଫିଲ୍ମ ‘ଭାରତ’ । ପ୍ରିୟଙ୍କା ଫିଲ୍ମ ଛାଡ଼ିବା ଏବଂ କ୍ୟାଟ୍ରିନାଙ୍କୁ ଏଣ୍ଟ୍ରି ମିଳିବାକୁ ନେଇ ଅନେକ ବାଦବିବାଦ ହୋଇଥିବା ବେଳେ ପରେ କ୍ୟାଟ୍ରିନାଙ୍କୁ ନିଆଯାଇ ସୁଟିଂ ଆଗକୁ ବଢ଼ିଥିଲା । ଏବେ ସୁଟିଂ ଚାଲୁ ରହିଥିବା ବେଳେ ରିଲିଜ୍ କଥା ଭାବି ଡ଼ରିବା ଆରମ୍ଭ କଲେଣି ଦବଙ୍ଗ ଖାନ୍ ସଲମାନ । ସବୁ ବେଳେ ଏବଂ ସବୁ ଫିଲ୍ମରେ ବକ୍ସ ଅଫିସରେ ରାଜ୍ କରୁଥିବା ସଲମାନ ‘ଭାରତ’ ଫିଲ୍ମକୁ ନେଇ ଡ଼ରିବା ସମସ୍ତଙ୍କୁ ଆଶ୍ଚର୍ଯ୍ୟ କରିଛି । ତାଙ୍କର ଏପରି ଡ଼ରିବା ପଛର କାରଣ ହେଉଛି ଫିଲ୍ମରେ ଥିବା ତାଙ୍କ ଚରିତ୍ର ଏବଂ ଫିଲ୍ମର କାହାଣୀ । ଏହି ଫିଲ୍ମରେ ତାଙ୍କର ଚରିତ୍ର ଅନ୍ୟ ଫିଲ୍ମର ଚରିତ୍ର ତୁଳନାରେ ଭିନ୍ନ ଥିବା ସହ ଫିଲ୍ମର କାହାଣୀ ମଧ୍ୟ ଅଲଗା ରହିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଏହି ଫିଲ୍ମଟି ଓଡ଼୍ ଟୁ ମାଇ ଫାଦର ଫିଲ୍ମର ରିମେକ୍ ହୋଇଥିବା ବେଳେ ଫିଲ୍ମରେ ୬୦ବର୍ଷ ମଧ୍ୟରେ କ’ଣ ସବୁ ପରିବର୍ତ୍ତନ ଆସିଛି ତାହା ଦେଖାଯିବା ସହ ଯୁଦ୍ଧ ସମୟର କିଛି ଦୃଶ୍ୟ ମଧ୍ୟ ଥିବା ଜଣାପଡ଼ିଛି । ୩ ଘଣ୍ଟାର ସମୟରେ ଏତେ ସବୁକୁ କିପରି ଚିତ୍ରଣ କରାଯିବ ଏବଂ ଲୋକେ ଏହାକୁ କିପରି ଗ୍ରହଣ କରିବେ ସେ ନେଇ ଏବେ ଚିନ୍ତାରେ ସଲମାନ । ଲୋକମାନେ ସିନେମା ହଲରେ ଏତେ ସମୟ ବସିି ଯେମିତି ବିରକ୍ତ ନ ହୁଅନ୍ତି,ସେ ନେଇ ଫିଲ୍ମର ଅବଧିକୁ କମ କରିବାକୁ ସଲମାନ ଇଚ୍ଛା ଜାହିର କରିଛନ୍ତି । ୩ ଘଣ୍ଟାର ଫିଲ୍ମକୁ ଦେଢ଼ ଘଣ୍ଟା କରିବାକୁ ଚାହୁଁଛନ୍ତି । ତେବେ ଫିଲ୍ମର ସମୟ ଅବଧି କେତେ ରହିବ; ତାହା ଭବିଷ୍ୟତରେ ଜଣା ପଡ଼ିବ ।