ଇସ୍ରାଏଲକୁ ସମର୍ଥନ ନକରିବା ଆମ ମୁର୍ଖାମୀ : ସୁବ୍ରମଣ୍ୟମ ସ୍ୱାମୀ

ନୂଆଦିଲ୍ଲୀ: ଇସ୍ରାଏଲରେ ଥିବା ଆମେରିକୀୟ ଦୂତାବାସକୁ ବିବାଦୀୟ କ୍ଷେତ୍ର ଜେରୁଜେଲମକୁ ସ୍ଥାନାନ୍ତରଣ କରିବାକୁ ଆମେରିକା ରାଷ୍ଟ୍ରପତି ଟ୍ରମ୍ପଙ୍କ ଘୋଷଣା ପରେ ସାରା ବିଶ୍ୱରେ ଆମେରିକା ଆପାତତଃ ଏକଘରିଆ ହୋଇଯାଇଛି । ଏହି ପ୍ରସ୍ତାବକୁ ବିରୋଧ କରି ଜାତିସଂଘରେ ଏକ ପ୍ରସ୍ତାବ ଆଗତ ହୋଇଛି । ଗତକାଲି ହୋଇଥିବା ଏହି ପ୍ରସ୍ତାବ ସପକ୍ଷରେ ଭାରତ ସମେତ ପ୍ରାୟ ୧୨୮ଟି ଦେଶ ଭୋଟ ଦେଇଥିବାବେଳେ ମାତ୍ର ୯ ଦେଶ ଏହା ବିରୁଦ୍ଧରେ ଭୋଟ ଦେଇଛନ୍ତି । ସେଥିରେ ଆମେରିକା ଓ ଇସ୍ରାଏଲ ଅନ୍ତର୍ଭୁକ୍ତ । ଅନ୍ୟ ୩୫ଟି ଦେଶ ଅନୁପସ୍ଥିତ ରହିଥିଲେ ।

 

India has made a huge mistake by not voting with US and Israel on US decision to choose West Jerusalem as location for its Embassy. At present UN holds holy city of Jews as partitioned. West Jerusalem is Israel’s. Hence Embassy can be there

— Subramanian Swamy (@Swamy39) December 22, 2017

କିନ୍ତୁ ଭାରତର ଏହି ପଦକ୍ଷପକୁ ବିରୋଧ କରିଛନ୍ତି ବିଜେପି ନେତା ସୁବ୍ରମଣ୍ୟମ ସ୍ୱାମୀ । ସେ କହିଛନ୍ତି ଭାରତର ଏହି ନିଷ୍ପତ୍ତି ରାଷ୍ଟ୍ରୀୟ ସ୍ୱାର୍ଥ ବିରୋଧୀ । କାରଣ ପାଲେଷ୍ଟାଇନ କେବେ ମଧ୍ୟ କାଶ୍ମୀର ପ୍ରସଙ୍ଗରେ ଭାରତକୁ ସମର୍ଥନ କରେ ନାହିଁ । ଆତଙ୍କବାଦ ପ୍ରସଙ୍ଗରେ ମଧ୍ୟ ଏହା ଭାରତକୁ ସମର୍ଥନ କରେ ନାହିଁ । କିନ୍ତୁ ଇସ୍ରାଏଲ ସବୁବେଳେ ଭାରତ ସପକ୍ଷରେ ରହିଆସିଛି । ଆହୁରି ମଧ୍ୟ ଆମେରିକା ବିରୁଦ୍ଧରେ ଯିବା ଭାରତ ପାଇଁ ଶୁଭଙ୍କର ନୁହେଁ । କାରଣ ଏସିଆରେ ଚୀନର ପ୍ରଭାବ ବଢୁଥିବାବେଳେ ତାହାର ମୁକାବିଲା ଲାଗି ଆମେରିକାର ସହାୟତା ଜରୁରୀ ।

କିନ୍ତୁ ଭାରତର ଏହି ପଦକ୍ଷେପ ଦ୍ୱାରା ଉଭୟ ଆମେରିକା ଓ ଇସ୍ରାଏଲ ଭାରତକୁ ବିଶ୍ୱାସ କରିବେ ନାହିଁ । ଏହା ଏକ ଚାଟୁକାର ନୀତି, ଯାହାକି ଆମକୁ ସୁହାଏ ନାହିଁ ।