ନୂଆଦିଲ୍ଲୀ : ମାତ୍ର ବର୍ଷକ ତଳେ ଭାରତରେ କୋଭିଡ୍ ଟିକାର ଗୁରୁତର ଅଭାବ ଦେଖାଦେଇଥିଲା । ଗୋଟିଏ ଡୋଜ୍ ଟିକା ନେବାକୁ ଲୋକମାନଙ୍କୁ ଅନେକ ଦିନ ଧରି ଅପେକ୍ଷା କରିବାକୁ ପଡ଼ୁଥିଲା । କିନ୍ତୁ ଏବେ ପରିସ୍ଥିତି ବଦଳି ଯାଇଛି । ଦେଶରେ ଏବେ ପ୍ରଚୁର ଟିକା ମହଜୁଦ ହୋଇ ରହିଛି, କିନ୍ତୁ ଚାହିଦା କମିଯାଇଛି ।
Sambad is now on WhatsApp
Join and get latest news updates delivered to you via WhatsApp
ଦେଶର ସବୁଠ ବଡ଼ ଟିକା କମ୍ପାନି ସେରମ ଇନଷ୍ଟିଚ୍ୟୁଟର ମୁଖ୍ୟ ଅଦର ପୁନାଓ୍ବାଲା କହିଛନ୍ତି ଯେ ତାଙ୍କ କମ୍ପାନି ପ୍ରାୟ ୨୦ କୋଟି ଡୋଜ୍ କୋଭିଡ୍ ଟିକା ନଷ୍ଟ କରିବାକୁ ବିଚାର କରୁଛି । କାରଣ ଦେଶରେ କୋଭିଡ ଟିକାର ଚାହିଦା କମିଥିବାବେଳେ ପ୍ରଚୁର ପରିମାଣରେ ଟିକା ମହଜୁଦ ରହିଛି । ଏସବୁ ଟିକାକୁ ନଷ୍ଟ କରାଯିବ କାରଣ ସେଗୁଡ଼ିକର ଏକ୍ସପାରି ତାରିଖ ଆସନ୍ତା ଅଗଷ୍ଟ-ସେପ୍ଟେମ୍ବର ମାସ ରେ ପଡ଼ିବ ।
ଡାଭୋସଠାରେ ଅନୁଷ୍ଠିତ ହେଉଥିବା ଓ୍ବାର୍ଲଡ ଇକୋନୋମିକ ଫୋରମ ଅବସରରେ ସେ କହିଛନ୍ତି, ବିଶ୍ବରେ ପରବର୍ତ୍ତୀ ମହାମାରୀର ମୁକାବିଲା ପାଇଁ ଏକ ଅନ୍ତର୍ଜାତୀୟ ମହାମାରୀ ରାଜିନାମାର ଆବଶ୍ୟକତା ରହିଛି । ଏପରି ହେଲେ ଆମେ ସହଜରେ ମହାମାରୀର ମୁକାବିଲା କରିପାରିବା ।
ସୂଚନାଯୋଗ୍ୟ ଯେ, ସେରମ ଇନଷ୍ଟିଚ୍ୟୁଟ କୋଭିସିଲ୍ଡ କୋଭିଡ ଟିକା ଉତ୍ପାଦନ କରିଥାଏ । ଏହା ସହିତ ୧୨-୧୮ ବର୍ଷର ପିଲାଙ୍କ ପାଇଁ କୋଭୋଭୋକ୍ସ ଟିକା ମଧ୍ୟ ଉତ୍ପାଦନ କରିଥାଏ ।