୧୯୮୪ ଦଙ୍ଗା ମାମଲା:ଜେଲ ଗଲେ ସଜ୍ଜନ କୁମାର
ନୂଆଦିଲ୍ଲୀ: ପୂର୍ବତନ କଂଗ୍ରେସ ନେତା ତଥା ୧୯୮୪ ଶିଖ୍ ବିରୋଧୀ ଦଙ୍ଗା ମାମଲାରେ ଦୋଷୀ ସାବ୍ୟସ୍ତ ହୋଇଥିବା ସଜ୍ଜନ କୁମାର ଆଜି ଦିଲ୍ଲୀର ଏକ କୋର୍ଟରେ ଆତ୍ମସମର୍ପଣ କରିଛନ୍ତି। ଏହାପରେ ତାଙ୍କୁ ଜେଲ୍ ପଠାଇ ଦିଆଯାଇଛି। ୭୩ ବର୍ଷୀୟ ସଜ୍ଜନ ଆତ୍ମସମର୍ପଣ ପାଇଁ ଅଧିକ ସମୟ ଚାହି ଦିଲ୍ଲୀ ହାଇକୋର୍ଟରେ ଆବେଦନ କରିଥିଲେ ମଧ୍ୟ କୋର୍ଟ ତାଙ୍କ ଆବେଦନ ଅଗ୍ରାହ୍ୟ କରିଦେଇଥିଲେ। ଶିଖ୍ ବିରୋଧୀ ଦଙ୍ଗା ମାମଲାରେ ଆଜୀବନ କାରାଦଣ୍ଡରେ ଦଣ୍ଡିତ ହୋଇଥିବା ସଜ୍ଜନ ଆଜି ଦିଲ୍ଲୀ ହାଇକୋର୍ଟଙ୍କ ନିର୍ଦ୍ଦେଶ ପାଳନ କରି କୋର୍ଟରେ ଆତ୍ମସମର୍ପଣ କରିଥିଲେ।