ଦିଲ୍ଲୀରେ ଏଥର ୬୨.୫୯% ମତଦାନ, ଘୋଷଣା କଲା ନିର୍ବାଚନ ଆୟୋଗ
ନୂଆଦିଲ୍ଲୀ : ଦିଲ୍ଲୀରେ ଶନିବାର ଦିନ ହୋଇଥିବା ନିର୍ବାଚନର ଭୋଟ ହାର ଘୋଷଣା କରିଛନ୍ତି ନିର୍ବାଚନ ଆୟୋଗ । ଏହି ନିର୍ବାଚନରେ ୬୨.୫୯ ପ୍ରତିଶତ ମତଦାନ ହୋଇଥିବା ଆୟୋଗ ଘୋଷଣା କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଏହି ଘୋଷଣାକରି ଦିଲ୍ଲୀ ମୁଖ୍ୟ ନିର୍ବାଚନ ଅଧିକାରୀ ରନବୀର ସିଂ କହିଛନ୍ତି ଯେ ଦିଲ୍ଲୀରେ ଏଥର ୬୨.୫୯ ପ୍ରତିଶତ ମତଦାନ ହୋଇଛି, ଯାହାକି ଗତ ୨୦୧୫ର ମତଦାନ ହାରଠାରୁ ୫ ପ୍ରତିଶତ କମ । ୨୦୧୫ ନିର୍ବାଚନରେ ୬୭.୪୭ ପ୍ରତିଶତ ମତଦାନ ହୋଇଥିଲା । ସର୍ବାଧିକ ୭୧.୬ ପ୍ରତିଶତ ମତଦାନ ବାଲିମରନ ନିର୍ବାଚନ ମଣ୍ଡଳିରେ ଓ ସର୍ବନିମ୍ନ ୪୫.୪ ପ୍ରତିଶତ ମତଦାନ ଦିଲ୍ଲୀ କ୍ୟାଣ୍ଟ ନିର୍ବାଚନ ମଣ୍ଡଳିରେ ହୋଇଛି ।
ବିଳମ୍ବ ହେବା ସମ୍ପର୍କରେ ସେ କହିଛନ୍ତି ଯେ ଭୋଟ ସଂପର୍କିତ ତଥ୍ୟ ଗୁଡ଼ିକରେ ନିର୍ଭୁଲତା ରକ୍ଷା ପାଇଁ ସବୁ ପ୍ରକ୍ରିୟା ପାଳନ କରାଯାଇଛି । ବିଳମ୍ବ ହେବାର କୌଣସି କାରଣ ନାହିଁ ।
ସୂଚନାଯୋଗ୍ୟ ଯେ, ଚୂଡ଼ାନ୍ତ ଭୋଟ ପ୍ରତିଶତ ଘୋଷଣା କରିନଥିବାରୁ ତାହାକୁ ନେଇ ଆମ ଆଦମି ପାର୍ଟି (ଆପ) ସଂଦେହ ପ୍ରକଟ କରାଯାଇଥିଲା । ଭିତରେ ଭିତରେ କିଛି ଷଡ଼ଯନ୍ତ୍ର ଚାଲୁଥିବା ଆପ ପକ୍ଷରୁ ଅଭିଯୋଗ କରାଯାଇଥିଲା ।
ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ଵାଲ ଏହାକୁ ନେଇ ଆଶ୍ଚର୍ଯ୍ୟ ପ୍ରକଟ କରିଥିଲେ । ସେ କହିଥିଲେ ଯେ ଭୋଟ ଶେଷ ହେବାର କିଛି ଘଣ୍ଟା ବିତିଯାଇଥିଲେ ମଧ୍ୟ ନିର୍ବାଚନ ଆୟୋଗ ଭୋଟହାର ରିପୋର୍ଟ ପ୍ରକାଶ ନ କରିବା ବେଶ ଆଶ୍ଚର୍ଯ୍ୟର ବିଷୟ ।