ରିବା: କରୋନା ଟିକାର ଦ୍ଵିତୀୟ ଡୋଜ ନେବାକୁ ମୋବାଇଲକୁ ମେସେଜ ଆସିଲା, ଆଉ ମେସେଜ ଖୋଲି ତଥ୍ୟ ପୂରଣ କରି କ୍ଲିକ କରିବାରୁ ଆକାଉଣ୍ଟରୁ କଟିଗଲା ଟଙ୍କା | ମଧ୍ୟପ୍ରଦେଶର ରିବାରେ ଏମିତି ଏକ ଘଟଣା ଘଟିଛି | ଆଉ ଜଣେ ପୁଲିସ କନେଷ୍ଟବଳ ଏଭଳି ଏକ ଠକେଇର ଶିକାର ହୋଇଛନ୍ତି | ପୁଲିସ କନେଷ୍ଟବଳ ଶତ୍ରୁଘ୍ନ ପଟେଲଙ୍କ କହିବା ମୁତାବକ କରୋନା ଟିକାର ଦ୍ଵିତୀୟ ଡୋଜ ନେବାକୁ ତାଙ୍କ ମୋବାଇଲକୁ ଏକ ମିଛ ମେସେଜ ଆସିଥିଲା | ଆଉ ଏହି ମେସେଜ ତଳେ ଦିଆଯାଇଥିବା ଲିଙ୍କରେ ତଥ୍ୟ ପୂରଣ କରିବାକୁ କୁହାଯାଇଥିଲା |
Sambad is now on WhatsApp
Join and get latest news updates delivered to you via WhatsApp
କନେଷ୍ଟବଳ ଜଣକ ସାଇବର ଠକଙ୍କ ଠକାମୀ ବାବଦରେ ବୁଝି ନପାରି ସମସ୍ତ ତଥ୍ୟ ଦେଇଥିଲେ, ଏହା ପରେ କ୍ଲିକ କରିବାରୁ ତାଙ୍କ ଆକାଉଣ୍ଟରୁ ୩ ଲକ୍ଷ ଟଙ୍କା କଟିଯାଇଥିଲା | ଶତ୍ରୁଘ୍ନ ମଧ୍ୟପ୍ରଦେଶ ରାଜ୍ୟ ଆର୍ମଡ଼ ଫୋର୍ସର ଜଣେ କନେଷ୍ଟବଳ ହୋଇଥିବାବେଳେ ଟଙ୍କା କଟିବା ପରେ ସେ ବ୍ୟାଙ୍କକୁ ଯାଇ ଅଭିଯୋଗ କରିଥିଲେ | ତେବେ ବ୍ୟାଙ୍କ ତାଙ୍କ କଥା ଶୁଣିନଥିଲା |
ଏହା ପରେ ଶତ୍ରୁଘ୍ନ ରିବା ସାଇବର ସେଲରେ ଅଭିଯୋଗ କରିଥିଲେ | ତେବେ ଏଯାଏଁ ସାଇବର ଠକଙ୍କ ବାବଦରେ କିଛି ଜଣାପଡିନାହିଁ | ଏହି ଘଟଣା ବାବଦରେ ଜଣାପଡିବା ପରେ ଭୋପାଳ ପୁଲିସ ହେଡକ୍ୱାର୍ଟର ପକ୍ଷରୁ ଏକ ନିର୍ଦ୍ଦେଶାବଳୀ ଜାରି କରାଯାଇଛି | ମୋବାଇଲକୁ କରୋନା ଟିକା ନେବା ପାଇଁ କୌଣସି ମେସେଜ ଆସିଲେ ଏହି ଲିଙ୍କ ନ ଖୋଲିବାକୁ କୁହାଯାଇଛି | ଯଦି କରୋନା ଟିକା ନେବାକୁ ହୁଏ ତେବେ ସ୍ଥାନୀୟ ମେଡିକାଲ ବା ସ୍ୱାସ୍ଥ୍ୟ କେନ୍ଦ୍ର ସହ ଯୋଗାଯୋଗ କରିବାକୁ କୁହାଯାଇଛି |