ବିଗିଡ଼ିଲା କରୋନା ଆକ୍ରାନ୍ତ ଥିବା ହରିୟାଣାର ସ୍ବାସ୍ଥ୍ୟ ମନ୍ତ୍ରୀ ଅନୀଲ ବିଜଙ୍କ ସ୍ବାସ୍ଥ୍ୟାବସ୍ଥା, ନଭେମ୍ବରରେ ନେଇଥିଲେ କରୋନା ଟିକା
ନୂଆଦିଲ୍ଲୀ: ବିଗିଡିଲା କରୋନା ଆକ୍ରାନ୍ତ ଥିବା ହରିୟାଣାର ସ୍ବାସ୍ଥ୍ୟ ମନ୍ତ୍ରୀ ଅନୀଲ ବିଜଙ୍କ ସ୍ବାସ୍ଥ୍ୟାବସ୍ଥା। ଭାରତ ବାୟୋଟେକ୍ ଦ୍ୱାରା ବିକଶିତ ସ୍ୱଦେଶୀ କରୋନା ଟିକା କୋଭାକ୍ସିିନ ନେବାର କିଛି ଦିନ ପରେ ସେ କରୋନା ଆକ୍ରାନ୍ତ ହୋଇଥିଲେ। ଏବେ ତାଙ୍କର ସ୍ବାସ୍ଥ୍ୟାବସ୍ଥା ବିଗିଡ଼ିବା ସହ ତାଙ୍କୁ ପିଜିଆଇ ରୋହତକରୁ ଗୁରୁଗ୍ରାମର ମେଦାନ୍ତକୁ ସ୍ଥାନାନ୍ତର କରାଯାଇଛି। ଏହାପୂର୍ବରୁ ତାଙ୍କୁ ଅମ୍ବାଲା ହସ୍ପିଟାଲରୁ ପିଜିଆଇ ରୋହତକକୁ ପଠାଇ ଦିଆଯାଇଥିଲା। ଅନୀଲ ବିଜଙ୍କ ଫୁସଫୁସରେ ସଂକ୍ରମଣ ଥିବା ଜଣାପଡ଼ିଛି।
Sambad is now on WhatsApp
Join and get latest news updates delivered to you via WhatsApp
ଉଲ୍ଲେଖଯୋଗ୍ୟ, ନଭେମ୍ବର ୨୦ରେ ଅନୀଲ ବିଜ କରୋନା ଟିକା କୋଭାକ୍ସିନ ନେଇଥିଲେ। ଡିସେମ୍ବର ୫ରେ ସେ ଟ୍ୱିଟ୍ କରି କହିଥିଲେ ଯେ, ଟିକା ନେବା ପରେ ମଧ୍ୟ ସେ କରୋନା ପଜିଟିଭ୍ ହୋଇଛନ୍ତି। ମୋତେ ଅମ୍ବାଲା କ୍ୟାଣ୍ଟମେଣ୍ଟର ସିଭିଲ୍ ହସ୍ପିଟାଲରେ ଭର୍ତ୍ତି କରାଯାଇଛି | ଯେଉଁମାନେ କିଛି ଦିନ ମଧ୍ୟରେ ମୋ ସଂସ୍ପର୍ଶରେ ଆସିଛନ୍ତିି, ସେମାନେ ନିଜର କରୋନା ପରୀକ୍ଷା କରାଇ ନିଅନ୍ତୁ ।
ତେବେ ଅନୀଲ ବିଜ ଏହା ସ୍ପଷ୍ଟ କରିଥିଲେ ଯେ, ଡାକ୍ତରମାନେ ତାଙ୍କୁ ଟିକା ଦେବା ପୂର୍ବରୁ ଟିକାର ଦ୍ୱିତୀୟ ଡୋଜ ନେବାର ପ୍ରାୟ ୧୪ଦିନ ପରେ କରୋନା ଟିକା କାମ ଆରମ୍ଭ କରେ ବୋଲି କହିଥିଲେ। ପ୍ରଥମ ଡୋଜର ୨୮ଦିନ ପରେ ଏବଂ ପରେ ୧୪ଦିନ ପରେ ଶରୀରରେ ଆଣ୍ଟିବଡି ବିକଶିତ ହୁଏ | କେବଳ ସେତେବେଳେ ଆପଣ କରୋନାରୁ ସୁରକ୍ଷା ପାଇପାରିବେ | ଏହି ସମ୍ପୂର୍ଣ୍ଣ ପ୍ରକ୍ରିୟା ପାଇଁ ୪୨ରୁ ୪୫ଦିନ ନେଇଥାଏ | ଏହା ପୂର୍ବରୁ କରୋନା ଟିକା କରୋନା ସଂକ୍ରମଣରୁ ରୋକି ପାରିବ ନାହିଁ।