ପାଇଲଟ୍ ଅଭିନନ୍ଦନଙ୍କ ଫଟୋ ଲଗାଇ ନିଜ ଦୋକାନର ପ୍ରଚାର କରୁଛି ପାକିସ୍ତାନୀ ଚା’ ବିକାଳି : ଏମିତି ଚା’ ଯାହା ଶତ୍ରୁ କୁ ମିତ୍ର କରେ
ନୂଆଦିଲ୍ଲୀ : ଭାରତୀୟ ପାଇଲଟ୍ ଉଇଙ୍ଗ୍ କମାଣ୍ଡର ଅଭିନନ୍ଦନ ପାକିସ୍ତାନର ଲଢ଼ୁଆ ବିମାନ ଏଫ୍-୧୬କୁ ଆକ୍ରମଣ କରି ଖସାଇ ଦେବା ପରେ ପାକ୍ ସୀମାକୁ ଖସି ପଡ଼ିଥିଲେ । ଏହା ପରେ ତାଙ୍କୁ ପାକ୍ ସେନା ନିଜ କବ୍ଜାକୁ ନେବାର ୬୦ଘଣ୍ଟା ପରେ ଉଇଙ୍ଗ୍ କମାଣ୍ଡର ଅଭିନନ୍ଦନ ଭାରତକୁ ଫେରିଥିଲେ । ଓ୍ଵାଘା ସୀମାରେ ତାଙ୍କୁ ପାକିସ୍ତାନ ଭାରତୀୟ ବାୟୁସେନା ଅଧିକାରୀଙ୍କୁ ହସ୍ତାନ୍ତର କରିଥିଲା । ତେବେ ଏ ସବୁ ମଧ୍ୟରେ ପାଇଲଟ୍ ଅଭିନନ୍ଦନ ମିଗ୍-୨୧ଲଢ଼ୁଆ ବିମାନ ସାହାଯ୍ୟରେ ଯେଉଁଭଳି ଭାବରେ ନିଜର ପରାକ୍ରମ ଦେଖାଇଥିଲେ ଏବଂ ପାକିସ୍ତାନ ଯାଇ ସେ ଯେଭଳି ଭାବରେ ନିଜର ଦେଶାତ୍ମବୋଧକୁ ପ୍ରମାଣ କରିଥିଲେ । ତାହା ତାଙ୍କୁ ଭାରତରେ ହିରୋ ବନାଇ ଦେଇଥିଲା ।
Sambad is now on WhatsApp
Join and get latest news updates delivered to you via WhatsApp
Khaan Tea Stall
Aisi Chai ki Dushman ko bhi Dost Banaye…#marketingstrategy #Abhinandan pic.twitter.com/6sUlEg4BST— s tanwar (@sushtany) March 12, 2019
ସାରା ଭାରତବାସୀ ପାଇଲଟ୍ ଅଭିନନ୍ଦନଙ୍କ ଜୟ ଜୟ ଗାନ୍ କରିବା ସହ ପ୍ରଧାନମନ୍ତ୍ରୀ ମୋଦି ଆଜିଠାରୁ ଅଭିନନ୍ଦନର ଅର୍ଥ ବଦଳିଗଲା ବୋଲି କହିଥିଲେ । ତେବେ ପୂର୍ବରୁ ଭାରତରେ ପାଇଲଟ୍ ଅଭିନନ୍ଦନଙ୍କ ପ୍ରଶଂସା କରାଯାଉଥିବା ବେଳେ ଏବେ ପାକିସ୍ତାନରେ ମଧ୍ୟ ତାଙ୍କ ନାଁକୁ ନେଇ ଜଣେ ଚା’ ବିକାଳି ନିଜ ଦୋକାନର ପ୍ରଚାର କରୁଥିବା ଦେଖା ଯାଇଛି । ଚା’ ବିକାଳି ଜଣକ ପାଇଲଟ୍ ଅଭିନନ୍ଦନଙ୍କ ଫଟୋ ଲଗାଇ ପ୍ରଚାର ଆରମ୍ଭ କରିଥିବା ଦେଖିବାକୁ ମିଳିଛି । ସୋସିଆଲ ମିଡିଆରେ ଚା’ ବିକାଳିଙ୍କ ଫଟୋ ଭାଇରାଲ ହେବା ପରେ ତାଙ୍କ ମାର୍କେଟିଙ୍ଗ୍ ସ୍କିଲ୍କୁ ଲୋକେ ପ୍ରଶଂସା କରିଛନ୍ତି ।
Khan Tea Stall—Special tea that may even turn foe into friend—?#abhinandan pic.twitter.com/vVRaC6ZTyf
— Rauf Klasra (@KlasraRauf) March 12, 2019
ସୂଚନା ମୁତାବକ, କରାଚିରେ ଜଣେ ଚା’ ବିକାଳି ନିଜ ଚା’ ଦୋକାନ ଆଗରେ ପାଇଲଟ୍ ଅଭିନନ୍ଦନଙ୍କ ଚା’ ପିଉଥିବାର ଫଟୋ ଲଗାଇ ତଳେ ଉର୍ଦ୍ଦୁ ଭାଷାରେ, “ଏମିତି ଚା’, ଯିଏ ଶତ୍ରୁକୁ ବି ମିତ୍ର ବନାଇ ଦିଏ” ବୋଲି ଲେଖିଛନ୍ତି । କରାଚିର ଜଣେ ଯୁବକ ଏହି ଚା’ ବିକାଳିଙ୍କ ଫଟୋ ନେଇ ସୋସିଆଲ ମିଡିଆରେ ପୋଷ୍ଟ କରିବା ପରେ ଫଟୋଟି ଏବେ ଭାଇରାଲ ହେବାରେ ଲାଗିଛି ।