ହସ୍ପିଟାଲରୁ ସୂଚନା ଦେଲେ ଇମ୍ରାନ: ମୋତେ ଚାରିଟି ଗୁଳି ବାଜିଛି, ଦିନକ ପୂର୍ବରୁ ହତ୍ୟା ସୂଚନା ମିଳିଥିଲା
ଇସଲାମାବାଦ : ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀଙ୍କୁ ଗୁରୁବାର ଦିନ ଗୁଳିମାଡ଼ ହୋଇଥିଲା। ଶୁକ୍ରବାର ଦିନ ନିଜେ ଇମ୍ରାନ ତାଙ୍କୁ ୪ଟି ଗୁଳି ବାଜିଥିବା ସୂଚନା ଦେଇଛନ୍ତି। ଲାହୋରର ଏକ ହସ୍ପିଟାଲରେ ଚିକିତ୍ସିତ ହେଉଥିବା ଇମ୍ରାନ କହିଛନ୍ତି, ମୋତେ ଆକ୍ରମଣ କରାଯିବାର ଦିନକ ପୂର୍ବରୁ ଏ ସଂପର୍କରେ ସୂଚନା ମିଳିଯାଇଥିଲା। ତାହା ୱାଜିରାବାଦ କିମ୍ବା ଅନ୍ୟ କୌଣସି ସ୍ଥାନ ହୋଇପାରେ। ସେମାନେ ମତେ ହତ୍ୟା ଯୋଜନା କରିଥିଲେ ବୋଲି ଇମ୍ରାନ ଅଭିଯୋଗ କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ସେ କହିଛନ୍ତି ତାଙ୍କୁ ହତ୍ୟା କରିବା ପାଇଁ ୪ ଜଣ ଲୋକ ବନ୍ଦ କୋଠରୀରେ ଯୋଜନା କରିଥିଲେ। ମୋ ପାଖରେ ସେହି ଭିଡ଼ିଓ ରହିଛି। ଯଦି ମୋର କିଛି ହୁଏ ତାହେଲେ ସେହି ଭିଡିଓକୁ ଜାରି କରାଯିବ। ଏଥିସହିତ ମୋତେ ମାରିବାକୁ ଯେଉଁ ୩ ଜଣ ଯୋଜନା କରିଥିଲେ ସେମାନଙ୍କ ମଧ୍ୟରେ ଗୃହମନ୍ତ୍ରୀ ରାଣା ସାନାଉଲ୍ଲାହ ସାମିଲ ଅଛନ୍ତି। ଅନ୍ୟ ଦୁଇଜଣ ହେଲେ ପ୍ରଧାନମନ୍ତ୍ରୀ ଶାହବାଜ ସରିଫ ଏବଂ ମେଜର ଜେନେରାଲ ଫୈଜଲ ନସିର। ସେହି ଚାରିଜଣଙ୍କ ମଧ୍ୟରେ ଏମାନେ ନାହାନ୍ତି।