ଶ୍ରୀଲଙ୍କାକୁ ଆଉ ୨୧ ହଜାର ଟନ୍ ସାର ପଠାଇଲା ଭାରତ
ଗତ ମାସରେ ୪୪ ହଜାର ଟନ ଦିଆଯାଇଥିଲା
ନୂଆଦିଲ୍ଲୀ : ଶ୍ରୀଲଙ୍କାର ଚୀନପ୍ରୀତି ଛାଡ଼ୁନଥିବା ସତ୍ତ୍ବେ ଭାରତ ଏହି କ୍ଷୁଦ୍ର ଦେଶକୁ ସହାୟତା ପ୍ରଦାନ ଜାରି ରଖିଛି । ଭାରତ ପକ୍ଷରୁ ବୁଧବାରଦିନ ଶ୍ରୀଲଙ୍କାକୁ ଆଉ ୨୧ ହଜାର ଟନ୍ ସାର ଯୋଗାଇ ଦିଆଯାଇଛି । ଗତ ମାସରେ ଭାରତ ପକ୍ଷରୁ ଶ୍ରୀଲଙ୍କାକୁ ୪୪ ହଜାର ଟନ ସାର ଯୋଗାଇ ଦିଆଯାଇଥିଲା ।
Sambad is now on WhatsApp
Join and get latest news updates delivered to you via WhatsApp
ଗତ ସପ୍ତାହରେ ଶ୍ରୀଲଙ୍କା ସରକାର ଚୀନର ଗୁପ୍ତଚର ଜାହାଜ ଉଆନ ଓ୍ବାଙ୍ଗ ୫କୁ ପ୍ରବେଶ ଅନୁମତି ଦେବା ପରେ ଭାରତ ସରକାର ଅସନ୍ତୋଷ ବ୍ୟକ୍ତି କରିଥିଲେ । ଏହା ସତ୍ତ୍ବେ ଭାରତ ନିଜର ସହାୟତା ଜାରି ରଖିଛି । ଗତ ସପ୍ତାହରେ ଭାରତ ପକ୍ଷରୁ ଶ୍ରୀଲଙ୍କାକୁ ଏକ ଡୋର୍ନିଅର ବିମାନ ପ୍ରଦାନ କରାଯାଇଥିଲା । ଏହି ବିମାନକୁ ଶ୍ରୀଲଙ୍କାର ନୌସେନା ନିଜ ସୀମାର ସୁରକ୍ଷା ଓ ପ୍ରହରା କାର୍ଯ୍ୟ ପାଇଁ ବ୍ୟବହାର କରିବ ।
ସୂଚନାଯୋଗ୍ୟ ଯେ, ଶ୍ରୀଲଙ୍କାରେ ବର୍ତ୍ତମାନ ଦେଖାଦେଇଥିବା ଖାଦ୍ୟ ସଂକଟ ପଛରେ ଏହାର ତ୍ରୁଟିଯୁକ୍ତ କୃଷିନୀତି ଅନ୍ୟତମ କାରଣ ବୋଲି କୁହାଯାଉଛି । କାରଣ ସେଠାକାର ତତକାଳୀନ ରାଜପକ୍ଷେ ସରକାର ରାସାୟନିକ ସାର ପ୍ରୟୋଗକୁ ସଂପୂର୍ଣ୍ଣ ନିଷିଦ୍ଧ କରିଦେବା ଦ୍ବାରା ଦେଶର କୃଷିଉତ୍ପାଦନ ହ୍ରାସ ପାଇଲା ଓ ଦେଶ ଖାଦ୍ୟ ସଂକଟର ସମ୍ମୁଖୀନ ହେଲା । ଏବେ ଆର୍ଥିକ ସଂକଟ ଯୋଗୁଁ ଶ୍ରୀଲଙ୍କା ସାର ଆମଦାନୀ କରିପାରୁନାହିଁ । ଭାରତର ସାର ଯୋଗାଣ ଫଳରେ ଶ୍ରୀଲଙ୍କା ନିଜର ଖାଦ୍ୟ ଉତ୍ପାଦନ ବଢାଇ ନିଜର ଖାଦ୍ୟ ସଂକଟକୁ ଦୂର କରିପାରିବ ।