କର୍ମୀଙ୍କୁ ନିର୍ବାଚନରେ ଜିତିବାର ମନ୍ତ୍ର ଦେଲେ କେଜ୍ରିୱାଲ: ଅନ୍ୟ ଦଳକୁ ସମାଲୋଚନା କରନାହିଁ, ଆମ କାର୍ଯ୍ୟ ବାବଦରେ କୁହ
ନୂଆଦିଲ୍ଲୀ: ନିର୍ବାଚନ ଆୟୋଗ ଦ୍ୱାରା ୫ଟି ରାଜ୍ୟରେ ନିର୍ବାଚନ ଘୋଷଣା ହେବା ସହିତ ଆମ୍ ଆଦମୀ ପାର୍ଟି (ଏଏପି) ମଧ୍ୟ ନିଜର ନିର୍ବାଚନ ପ୍ରଚାର ଆରମ୍ଭ କରିଛି। ରବିବାର ଦିନ ଭିଡିଓ କନଫରେନ୍ସିଂ ଜରିଆରେ ପାର୍ଟି କର୍ମୀଙ୍କୁ ସମ୍ବୋଧିତ କରିବାବେଳେ ଆପ ସୁପ୍ରିମୋ ତଥା ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ କର୍ମୀମାନଙ୍କୁ ନିର୍ବାଚନ ଆୟୋଗଙ୍କ ଦ୍ୱାରା ଦିଆଯାଇଥିବା ନିର୍ଦ୍ଦେଶାବଳୀ ଅନୁସରଣ କରି ଘର ଘର ବୁଲି ପ୍ରଚାର କରିବାକୁ ଉତ୍ସାହିତ କରିଥିଲେ। କେଜ୍ରିୱାଲ କହିଛନ୍ତି ଯେ କୌଣସି ଦଳ ବିରୋଧରେ କିଛି ନକାରାତ୍ମକ କଥା କୁହନ୍ତୁ ନାହିଁ। ଆମକୁ କେବଳ ଏକ ସକରାତ୍ମକ ଅଭିଯାନ ଚଳାଇବାକୁ ପଡିବ |
Sambad is now on WhatsApp
Join and get latest news updates delivered to you via WhatsApp
CM @ArvindKejriwal‘s msg for AAP volunteers:
▪️Start door-to-door campaign
▪️Ask people about their well-being before telling them abt our work
▪️If they ask “Why is AAP giving everything for Free?”
▪️Say “Now Ministers will have to serve & Public will enjoy Free Facilities” pic.twitter.com/xjwrQM2q3O
— AAP (@AamAadmiParty) January 9, 2022
ଯେତେବେଳେ ଆପଣ ଲୋକମାନଙ୍କୁ ଭେଟନ୍ତି, ସେମାନଙ୍କୁ ଦିଲ୍ଲୀର ଆପ ସରକାର ଦ୍ୱାରା କରାଯାଇଥିବା ଭଲ କାର୍ଯ୍ୟ ବିଷୟରେ କୁହନ୍ତୁ | କେଜ୍ରିୱାଲ କହିଛନ୍ତି ଯେ ଗୋଟିଏ ଦଳକୁ ପରାସ୍ତ କରିବା ଏବଂ ଅନ୍ୟ ଦଳକୁ କ୍ଷମତାକୁ ଆଣିବା ପାଇଁ ନିର୍ବାଚନ ଏକ ମାଧ୍ୟମ ନୁହେଁ, ବରଂ ସମାଜ ତଥା ଦେଶରେ ପରିବର୍ତ୍ତନ ଆଣିବାର ଏକ ସୁଯୋଗ। ଯେତେବେଳେ ଆପଣ ନିର୍ବାଚନ ଅଭିଯାନରେ ସାମିଲ ହୁଅନ୍ତି, ସେତେବେଳେ ଆପଣ ଅନୁଭବ କରିବା ଉଚିତ୍ ଯେ ଆପଣ ଦେଶଭକ୍ତିର କାର୍ଯ୍ୟ କରୁଛନ୍ତି |