ଭାରତୀୟଙ୍କୁ ଆକର୍ଷିତ କରିବା ପାଇଁ ବିୟରର ନାଁ ‘ଗଣେଶ’ ରଖିଲା ମଦ କମ୍ପାନି, କାରଣ ପଚାରିବା ପରେ ମିଳିଲା ଆଶ୍ଚର୍ଯ୍ୟ କଳା ଭଳି ଉତ୍ତର
ନୂଆଦିଲ୍ଲୀ : କେବେ ଆପଣ କୌଣସି ନିଶା ଦ୍ରବ୍ୟର ନାମ ଭଗବାନଙ୍କ ନାମରେ ରଖାଯାଇଥିବା ଶୁଣିଛନ୍ତି କି? କିନ୍ତୁ ଇଂଲଣ୍ଡରେ ଏପରି ଘଟିଥିବା ଜଣାପଡ଼ିଛି । ଏକ ମଦ କମ୍ପାନି ଭୁଲବଶତଃ ଭାରତୀୟଙ୍କ ପାଇଁ ତିଆରି କରିଥିବା ବିୟରର ନାଁ ଗଣେଶ ରଖିଥିବା ସୂଚନା ମିଳିଛି । ଗଣେଶ ହିନ୍ଦୁମାନେ ପୂଜା କରୁଥିବା ଜଣେ ଭଗବାନଙ୍କ ନାମ ବୋଲି ଜାଣିବା ପରେ କ୍ଷମା ପ୍ରର୍ଥନା କରିବା ସହ କମ୍ପାନି ଶୁକ୍ରବାର ଗଣେଶ ନାମକୁ ପରିବର୍ତ୍ତନ କରିବ ବୋଲି କହିଛି । ଭାରତୀୟମାନଙ୍କୁ ଆକର୍ଷିତ କରିବା ପାଇଁ ଲେମ୍ବୁ,ଧନିଆ ଏବଂ ଅଙ୍ଗୁର ମିଶାଇ ଏହି ସ୍ୱତନ୍ତ୍ର ପ୍ରକାରର ବିୟର ତିଆରି କରାଯିବା ସହ ଭାରତୀୟଙ୍କ ଭଳି ନାମ ରଖାଯାଇଥିବା ବୋଲି କମ୍ପାନି ଜଣାଇଛି । କିନ୍ତୁ ଏହା ଭଗବାନଙ୍କ ନାମ ବୋଲି ଜାଣି କମ୍ପାନି ନାଁ ପରିବର୍ତ୍ତନ କରିବ ବୋଲି କହିଥିବା ଜଣାପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଆମେରିକାର ୟୁନିଭର୍ସିଟି ସୋସାଇଟି ଅଫ୍ ହିନ୍ଦୁଇଜମ୍ର ଅଧ୍ୟକ୍ଷ ରାଜନ ଜେଦ୍ ପ୍ରଥମେ ଗଣେଶ ନାମକୁ ନେଇ ଆପତ୍ତି କରିଥିଲେ । ଏହା ପରେ କମ୍ପାନିର ମୁଖ୍ୟ, ଆମେ ଗଣେଶ ଏକ ଶବ୍ଦ ବୋଲି ଭାବି ଏପରି କରିଥିଲୁ । କିନ୍ତୁ ପରେ ସତ ଜାଣିବା ପରେ ଆମେ ଏହି ନାମ ପରିବର୍ତ୍ତନ କରିବାକୁ ନିଷ୍ପତ୍ତିି ନେଇଛୁ ବୋଲି କହିଛନ୍ତି ।