ଫୁସଫୁସରେ ବାଉଁଶ ଖଣ୍ଡ ପଶିବା ପରେ ଚିକିତ୍ସା ପାଇଁ ଯାଇଥିଲେ ଯୁବକ, ୧୦ଦିନ ପରେ ବାଉଁଶ ଖଣ୍ଡକୁ ଖୋଜି ପାଇଲେ ଡାକ୍ତର
ମଲାପପୁରମ: ମଲାପପୁରମରେ ଜଣେ ଯୁବକଙ୍କ ସହ ଘଟିଥିବା ଘଟଣାକୁ ନେଇ ଏବେ ଚର୍ଚ୍ଚା ଆରମ୍ଭ ହୋଇଛି | ଫୁସଫୁସରେ ବାଉଁଶ ଖଣ୍ଡ ପଶି ରହିଥିଲେ ମଧ୍ୟ ସେ ୧୦ଦିନ ପର୍ଯ୍ୟନ୍ତ ଜୀବିତ ରହିବା ଘଟଣା ଏବେ ସମସ୍ତଙ୍କୁ ଆଶ୍ଚର୍ଯ୍ୟ କରିଛି | ପ୍ରଥମେ ଡାକ୍ତର ବାଉଁଶ ଖଣ୍ଡ ଖୋଜିବାରେ ବିଫଳ ହୋଇଥିବା ବେଳେ୧୦ ଦିନ ପରେ ବାଉଁଶ ଖଣ୍ଡ ଫସିଥିବା ଜଣା ପଡିଥିଲା | ନିକଟରେ କୋଜିକୋଡେ ଚେଷ୍ଟ ହସ୍ପିଟାଲରେ ଅସ୍ତ୍ରୋପଚାର ପରେ ଏବେ ଯୁବକଜଣକ ସୁସ୍ଥ ଅଛନ୍ତି | ଯୁବକଙ୍କ ନାଁ ଅପରେଶ ବୋଲି ଜଣା ପଡିଛି |
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଅପରେଶ ଜୁଲାଇ ୧୭ରେ ରାସ୍ତାରେ ଯାଉଥିବା ବେଳେ ହଠାତ ଏକ ବାଉଁଶ ଗଛ ତାଙ୍କ ଉପରେ ଖସି ପଡିଥିଲା | ଏହି ଦୁର୍ଘଟଣାରେ ବାଉଁଶ ଖଣ୍ଡ ତାଙ୍କ ଛାତିରେ ପଶିଯିବାରୁ ପ୍ରବଳ ରକ୍ତସ୍ରାବ ହୋଇଥିଲା | ଲକଡାଉନ ପାଇଁ ରାସ୍ତାରେ ଲୋକ ନଥିବାରୁ ତାଙ୍କୁ ଡାକ୍ତରଖାନାରେ ପହଞ୍ଚିବାରେ ବିଳମ୍ବ ହୋଇଥିଲା | ସେ ଡାକ୍ତରଖାନାରେ ପହଞ୍ଚିବା ପରେ ସାମାନ୍ୟ ଆଘାତ ଲାଗିଥିବା କହି ଔଷଧ ଦେଇ ଡାକ୍ତର ତାଙ୍କୁ ଘରକୁ ପଠାଇଦେଇଥିଲେ | ୧୦ଦିନ ପରେ ତାଙ୍କୁ ନିଶ୍ୱାସ ନେବାରେ ଅସୁବିଧା ହେବା ସହ ଜ୍ୱର ହେବାରୁ ସେ ଡାକ୍ତରଖାନାରେ ପହଞ୍ଚିଥିଲେ | ପରୀକ୍ଷା ପରେ ତାଙ୍କ ଫୁସଫୁସରେ ଏକ ବାଉଁଶ ଖଣ୍ଡ ଫସି ରହିଥିବା ଜାଣିବା ପରେ ଡାକ୍ତର ତାଙ୍କୁ କୋଜିକୋଡେ ଚେଷ୍ଟ ହସ୍ପିଟାଲକୁ ଯିବାକୁ କହିଥିଲେ |