ମୋ ଜୀବନ ଦେଇଦେବି ପଛେ କିନ୍ତୁ….କିଛି ଏଭଳି କହିଲେ ମମତା
କୋଲକାତା: ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ତଥା ତୃଣମୂଳ କଂଗ୍ରେସ (ଟିଏମସି) ସୁପ୍ରିମୋ ମମତା ବାନାର୍ଜୀ ବିଜେପିକୁ ଟାର୍ଗେଟ କରି କହିଛନ୍ତି ଯେ ମୁଁ ମୋ ଜୀବନ ଦେଇଦେବି ପଛେ କିନ୍ତୁ ବିଜେପିକୁ ପଶ୍ଚିମବଙ୍ଗ ବିଭାଜନ କରିବାକୁ ଦେବି ନାହିଁ। ସେ ଆହୁରି କହିଛନ୍ତି ଯେ ତୁମେ ମୋତେ ଧମକ ଦେଇ ପାରିବ, ମୋ ଛାତିରେ ବନ୍ଧୁକ ଲଗାଇବ ଏବଂ ତଥାପି ମୁଁ ଏକ ଅଖଣ୍ଡ ପଶ୍ଚିମବଙ୍ଗ ପାଇଁ ଯୁଦ୍ଧ ଜାରି ରଖିବି | ଭାରତୀୟ ଜନତା ପାର୍ଟିର କିଛି ନେତା ପଶ୍ଚିମବଙ୍ଗଠାରୁ ଅଲଗା ରାଜ୍ୟ ଦାବି କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ଏହି ବିଷୟରେ ମମତା ବାନାର୍ଜୀ ତୀବ୍ର ପ୍ରତିକ୍ରିୟା ଦେଇଛନ୍ତି। ୨୦୨୪ ଲୋକସଭା ନିର୍ବାଚନ ପୂର୍ବରୁ ରାଜ୍ୟରେ “ବିଚ୍ଛିନ୍ନତାବାଦ” କୁ ପ୍ରୋତ୍ସାହିତ କରିବାକୁ ବିଜେପିକୁ ଦୋଷାରୋପ କରି ମମତା ବାନାର୍ଜୀ କହିଛନ୍ତି ଯେ ଉତ୍ତରପ୍ରଦେଶର ସମସ୍ତ ସମ୍ପ୍ରଦାୟର ଲୋକମାନେ ଦଶନ୍ଧି ଧରି ଏକାଠି ରହୁଛନ୍ତି, କିନ୍ତୁ ବିଜେପି ଲୋକଙ୍କୁ ବିଭାଜନ କରିବାକୁ ଚେଷ୍ଟା କରୁଛି।
ଦଳର ଏକ ବୈଠକକୁ ସମ୍ବୋଧିତ କରି ତୃଣମୂଳ କଂଗ୍ରେସ ସୁପ୍ରିମୋ କହିଛନ୍ତି ଯେ ବିଜେପି ବେଳେବେଳେ ଗୋରଖାଲାଣ୍ଡ ଏବଂ ଉତ୍ତର ପଶ୍ଚିମବଙ୍ଗ ଗଠନ କରିବାକୁ ଦାବି କରୁଛି। ଆବଶ୍ୟକ ହେଲେ ମୁଁ ମୋର ଜୀବନ ଦେଇଦେବି ପଛେ, କିନ୍ତୁ ରାଜ୍ୟକୁ ବିଭାଜନ କରିବାକୁ ଦେବି ନାହିଁ। ମମତା ବାନାର୍ଜୀ କହିଛନ୍ତି ଯେ କିଛି ଲୋକ ମୋତେ ଧମକ ଦେଉଛନ୍ତି, ମୁଁ ସେମାନଙ୍କୁ ଭୟ କରୁ ନାହିଁ। ସୂଚନା ଥାଉ କି ରବିବାର ଦିନ କମତାପୁରା ଲିବରେସନ ଅର୍ଗାନାଇଜେସନ ମୁଖ୍ୟ ଜୀବନ ସିଂହ ଏକ ଭିଡିଓ ମାଧ୍ୟମରେ ଚେତାବନୀ ଦେଇଥିଲେ ଯେ କମତାପୁରା ଅଲଗା ରାଜ୍ୟ କରାଯାଉ ।