ତିନିଥରରେ ଶପଥ ନେଲେ ବିଜେପି ସାଂସଦ ସାଧ୍ବୀ ପ୍ରଜ୍ଞା ସିଂ ଠାକୁର

ନୂଆଦିଲ୍ଲୀ: ଭୋପାଳର ବିଜେପି ସାଂସଦ ସାଧ୍ବୀ ପ୍ରଜ୍ଞା ସିଂ ଠାକୁର ଶପଥ ନେବା ସମୟରେ ଲୋକସଭାରେ ହଙ୍ଗାମା ସୃଷ୍ଟି ହୋଇଥିଲା | ସାଧ୍ବୀ ପ୍ରଜ୍ଞା ସିଂ ଠାକୁର ଯେତେବେଳେ ଶପଥ ନେବାକୁ ଆସିଥିଲେ ତାଙ୍କ ନାମକୁ ନେଇ ବିରୋଧୀ ଆପତ୍ତି କରିଥିଲେ | ସାଧ୍ବୀ ପ୍ରଜ୍ଞା ସିଂ ଠାକୁର ସଂସ୍କୃତରେ ଶପଥ ନେଉଥିଲେ | ଯେତେବେଳେ ନିଜ ନାମ ଉଚ୍ଚାରଣ କରିଥିଲେ ତାହାକୁ ବିରୋଧୀ ବିରୋଧ କରିଥିଲେ | ସାଧ୍ବୀ ପ୍ରଜ୍ଞା ସିଂ ଠାକୁର କହିଥିଲେ ଯେ ‘ମୁଁ ସାଧ୍ବୀ ପ୍ରଜ୍ଞା ସିଂ ଠାକୁର ସ୍ୱାମୀ ପୂର୍ଣ୍ଣଚେତନାନନ୍ଦ ଅବଧେଶାନନ୍ଦ ଗିରି ଲୋକସଭା ସଦସ୍ୟ ରୂପେ ଶପଥ ନେଉଛି’ |

#WATCH: An uproar started in the Lok Sabha today when BJP’s winning candidate from Bhopal, Pragya Singh Thakur took oath as MP under the name ‘Sadhvi Pragya Singh Thakur Poorn Chetnand Avdheshanand Giri’, suffixing her name with her spiritual guru. She took her oath in 3 attempts pic.twitter.com/VuTvZ4BgIT

— ANI (@ANI) 17 June 2019

କିଛି ସାଂସଦ ଏହାକୁ ବିରୋଧ କରିଥିଲେ | ଲୋକସଭାରେ ଉପସ୍ଥିତ ଅଧିକାରୀ ସାଧ୍ବୀ ପ୍ରଜ୍ଞା ସିଂ ଠାକୁରଙ୍କୁ ନିଜ ପିତାଙ୍କ ନାମ ନେବାକୁ କହିଥିଲେ | ବିରୋଧୀ କହିଥିଲେ ଯେ ସାଧ୍ବୀ ପ୍ରଜ୍ଞା ସିଂ ଠାକୁର ନିର୍ବାଚନ ଆୟୋଗଙ୍କ ପାଖରେ ଯେଉଁ ସତ୍ୟପାଠ ଦେଇଥିଲେ ସେଥିରେ ସ୍ୱାମୀ ପୂର୍ଣ୍ଣଚେତନାନନ୍ଦ ଅବଧେଶାନନ୍ଦ ଗିରିଙ୍କ ନାମ ଉଲ୍ଲେଖ ନଥିଲା | ତେଣୁ ନିୟମ ଅନୁସାରେ ସେ ଏହି ନାମରେ ଶପଥ ନେଇ ପାରିବେ ନାହିଁ | ଏହାକୁ ନେଇ ଦୁଇ ଥର ସାଧ୍ବୀ ପ୍ରଜ୍ଞା ସିଂ ଠାକୁର ଅଧା ଶପଥ ନେଇଥିଲେ |

ଶେଷରେ କାମଚଳା ବାଚସ୍ପତି ବୀରେନ୍ଦ୍ର କୁମାରଙ୍କ ହସ୍ତକ୍ଷେପ ପରେ ତୃତୀୟ ଥର ଶପଥ ନେଇ ଥିଲେ ପ୍ରଜ୍ଞା ସିଂ ଠାକୁର | ଏଠାରେ ସୂଚନା ଥାଉ କି ସାଧ୍ବୀ ପ୍ରଜ୍ଞା ସିଂ ଠାକୁର ଭୋପାଳ ଲୋକସଭା କ୍ଷେତ୍ରରୁ ବିଜେପି ଟିକଟରେ ନିର୍ବାଚନ ଜିତିଥିଲେ | ସେ କଂଗ୍ରେସର ବରିଷ୍ଠ ନେତା ଦିଗବିଜୟ ସିଂଙ୍କୁ ପରାସ୍ତ କରିଥିଲେ | ସାଧ୍ବୀ ପ୍ରଜ୍ଞା ସିଂ ଠାକୁର ମହାରାଷ୍ଟ୍ରର ମାଲେଗାଓଁ ବିସ୍ଫୋରଣର ଅଭିଯୁକ୍ତ ମଧ୍ୟ ଥିଲେ |