ଥରୁର-ଗେହଲଟ ନାମାଙ୍କନ ପତ୍ର ଦାଖଲ କଲେ ବି ଶେଷରେ ନଚାହୁଁଥିବା ନେତା ହିଁ କଂଗ୍ରେସ ଅଧ୍ୟକ୍ଷ ହେବେ: ନରୋତ୍ତମ ମିଶ୍ରା
ଭୋପାଳ: ଥରୁର-ଗେହଲଟ ନାମାଙ୍କନ ପତ୍ର ଦାଖଲ କଲେ ବି ଶେଷରେ ନଚାହୁଁଥିବା ନେତା ହିଁ କଂଗ୍ରେସ ଅଧ୍ୟକ୍ଷ ହେବେ। ଏଭଳି କହି ମଧ୍ୟପ୍ରଦେଶ ଗୃହମନ୍ତ୍ରୀ ନରୋତ୍ତମ ମିଶ୍ରା ଅଧ୍ୟକ୍ଷ ପଦବୀକୁ ନେଇ କଂଗ୍ରେସକୁ ଟାର୍ଗେଟ କରିଛନ୍ତି । ଦଳ ଏକ ଅଜବ ଦ୍ୱନ୍ଦ୍ୱରେ ପଡ଼ିଛି ବୋଲି ସେ କହିଛନ୍ତି। ଅଧ୍ୟକ୍ଷ ପଦ ପାଇଁ ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହଲଟ୍ ଏବଂ କେରଳର ସାଂସଦ ଶଶି ଥରୁର ପ୍ରତିଦ୍ୱନ୍ଦ୍ୱିତା କରିବାକୁ ଯାଉଛନ୍ତି। ଗୃହମନ୍ତ୍ରୀ ନରୋତ୍ତମ ମିଶ୍ରା ଏହା ଉପରେ ମନ୍ତବ୍ୟ ଦେଇ କହିଛନ୍ତି ଯେ ଯେଉଁମାନେ ଦାୟିତ୍ୱ ନେବାକୁ ଇଚ୍ଛୁକ, ସେମାନଙ୍କୁ ଅନୁମତି ଦିଆଯାଉ ନାହିଁ। ଏବେ ଏହି ପଦବୀ ପାଇଁ ଅନେକ ନେତା ନାମାଙ୍କନ ପତ୍ର ଦାଖଲ କଲେ ବି ଶେଷରେ ଏହି ଦାୟିତ୍ବ ସେହିମାନଙ୍କ ନିକଟକୁ ଯିବ ଯେଉଁମାନେ ଏହି ପଦବୀ ସମ୍ଭାଳିବାକୁ ଇଚ୍ଛୂକ ନୁହନ୍ତି। ଏଭଳି କହି ସେ କଂଗ୍ରେସ ନେତା ରାହୁଲ ଗାନ୍ଧୀଙ୍କୁ ଟାର୍ଗେଟ କରିଥିବା ଚର୍ଚ୍ଚା ହେଉଛି।
Sambad is now on WhatsApp
Join and get latest news updates delivered to you via WhatsApp
पार्टी अध्यक्ष के चुनाव को लेकर कांग्रेस विचित्र दुविधा में फंसी हुई है।
दुर्भाग्य की बात है कि इतने सालों से एक राष्ट्रीय पार्टी अपना अध्यक्ष नहीं चुन पा रही है।
कांग्रेस आज एक डूबता जहाज है और इसका डूबना तय है। pic.twitter.com/IvQWTTaDxO
— Dr Narottam Mishra (@drnarottammisra) September 23, 2022
ଗୃହମନ୍ତ୍ରୀ କହିଛନ୍ତି ଯେ ସମସ୍ତେ ଯାଇ ନାମାଙ୍କନ ପତ୍ର ଦାଖଲ କରିବେ। କିନ୍ତୁ ପରେ ସେମାନେ ଇଚ୍ଛା ନଥିବା ନେତାଙ୍କୁ ଅଧ୍ୟକ୍ଷ କରିବାକୁ ଏକମତ ହେବେ। ଏହା ହେଉଛି ସେମାନଙ୍କର ପ୍ରକ୍ରିୟା। ଏକ ଜାତୀୟ ଦଳ ଏତେ ବର୍ଷ ହେଲାଣି ନିଜ ଅଧ୍ୟକ୍ଷ ଚୟନ କରିପାରି ନାହିଁ। ଗୃହମନ୍ତ୍ରୀ ନରୋତ୍ତମ ମିଶ୍ରା ଟ୍ବିଟ କରିଛନ୍ତି ଯେ, ଦଳର ଅଧ୍ୟକ୍ଷ ନିର୍ବାଚନକୁ ନେଇ କଂଗ୍ରେସ ଏକ ଅଜବ ଦ୍ୱନ୍ଦ୍ୱରେ ପଡ଼ିଛି। ଏହା ଦୁର୍ଭାଗ୍ୟଜନକ ଯେ ଏତେ ବର୍ଷ ଧରି ଏକ ଜାତୀୟ ଦଳ ଏହାର ଅଧ୍ୟକ୍ଷ ବାଛିବାରେ ସକ୍ଷମ ହୋଇପାରିନାହିଁ। କଂଗ୍ରେସ ଏବେ ଏକ ବୁଡ଼ି ଯାଉଥିବା ଜାହାଜ ଏବଂ ଏହା ନିଶ୍ଚିତ ବୁଡ଼ିବ।