ଘନେଇଲା କର୍ଣ୍ଣାଟକ ରାଜନୈତିକ ସଂକଟ, ଇସ୍ତଫା ଦେଲେ କଂଗ୍ରେସ ବିଧାୟକ ରୋଶନ ବୈଗ୍, ବିଦ୍ରୋହୀ ବିଧାୟକ ସଂଖ୍ୟା ୧୫ରେ ପହଞ୍ଚିଲା
ବାଙ୍ଗାଲୁରୁ : କର୍ଣ୍ଣାଟକରେ ରାଜନୈତିକ ସଂକଟ ଦିନକୁ ଦିନ ଅଧିକ ଗଭୀର ହେଉଛି । ଆଜି ନିଳମ୍ବିତ କଂଗ୍ରେସ ନେତା ରୋଶନ ବୈଗ୍ ବିଧାୟକଭାବେ ଇସ୍ତଫା ଦେଇଛନ୍ତି । ଇସ୍ତଫା ଦେବାରେ ସେ ହେଉଛନ୍ତି ୧୫ତମ ବିଧାୟକ । ଏହା ପୂର୍ବରୁ ବିଧାନସଭା ବାଚସ୍ପତି କେଆର ରମେଶ କୁମାର ବିଧାୟକଙ୍କ ଇସ୍ତଫାକୁ ଗ୍ରହଣ କରିବା ପୂର୍ବରୁ ସେମାନଙ୍କୁ ଭେଟିବା ପାଇଁ ଆଗ୍ରହ ପ୍ରକାଶ କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
କେଉଁ କାରଣ ପାଇଁ ସେମାନେ ଇସ୍ତଫା ହେଉଛନ୍ତି ବ୍ୟକ୍ତିଗତଭାବେ ସାକ୍ଷାତ କରି ତାହାର କାରଣ ଦର୍ଶାଇବାକୁ ସେ ବିଧାୟକମାନଙ୍କୁ କହିଛନ୍ତି । ପୂର୍ବତନ ମୁଖ୍ୟମନ୍ତ୍ରୀ ସିଦ୍ଧରାମାୟା କହିଛନ୍ତି ଯେ ଏହି ସଂକଟ ପଛରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ଗୃହମନ୍ତ୍ରୀ ଅମିତ ଶାହା ରହିଛନ୍ତି । ଇସ୍ତଫାଦେଇଥିବା ବିଧାୟକମାନଙ୍କୁ ଭବିଷ୍ୟତରେ ନିର୍ବାଚନ ଲଢିବାକୁ ନିଷିଦ୍ଧ କରିବାକୁ ସେ ଦାବି କରିଛନ୍ତି । ଅନ୍ୟପକ୍ଷରେ ବିଜେପିର ଏକ ଉଚ୍ଚସ୍ତରୀୟ ପ୍ରତିନିଧିମଣ୍ଡଳ ଆସନ୍ତା କାଲି ରାଜ୍ୟପାଳଙ୍କୁ ଭେଟି ସ୍ଥିତିରେ ହସ୍ତକ୍ଷେପ କରିବାକୁ ଅନୁରୋଧ କରିବାର କାର୍ଯ୍ୟକ୍ରମ ରହିଛି ।