କାରଖାନାରେ ଲାଗିଲା ନିଆଁ; ନମ୍ବର ଭୁଲି ଯାଇ ଥିବାରୁ ୫ କିଲୋମିଟର ଦୌଡ଼ି ଦମକଳକୁ ଡାକିଲେ ମାଲିକ
ଶାହଜହାନ୍ପୁର : ଉତ୍ତରପ୍ରଦେଶର ଶାହଜହାନ୍ପୁରରେ ଏକ ଗନ୍ଧକ କାରଖାନାରେ ନିଆଁ ଲାଗିଥିବା ଘଟଣା ସାମ୍ନାକୁ ଆସିଛି । ନିଆଁ ଲାଗିବା ସମୟରେ କାରଖାନା ଭିତରେ ୨୦ଜଣ ଶ୍ରମିକ କାମ କରୁଥିବା ବେଳେ ନିଆଁ ଲାଗିବା ଜାଣି ସେମାନେ ବାହାରକୁ ପଳାଇ ଯାଇଥିଲେ । ଏହି ଦୁର୍ଘଟଣାରେ କେହି ମୃତାହତ ହୋଇ ନ ଥିବା ଜଣା ପଡ଼ିଛି । ହେଲେ କାରଖାନାର ମାଲିକ ନିଆଁ ଲାଗିବା ଜାଣି ଦମକଳ ଡ଼ାକିବା ପାଇଁ ୫ କିମି ଦୌଡ଼ିଥିବା ଘଟଣା ସମସ୍ତଙ୍କୁ ଅଶ୍ଚର୍ଯ୍ୟ କରିଛି । ଅଗ୍ନିଶମ ବିଭାଗ ନମ୍ବର ମନେ ନ ପଡ଼ିବାରୁ ସେ ଅନ୍ୟ କିଛି ବାଟ ନ ପାଇ ଏପରି କରିଥିବା ଜଣାପଡ଼ିଛି । ସୂଚନା ପାଇ ଅଗ୍ନିଶମ କର୍ମଚାରୀ ଘଟଣାସ୍ଥଳରେ ପହଞ୍ଚି ନିଆଁ ଲିଭାଇବା ପରେ ଫ୍ୟାକ୍ଟ୍ରୀ ପାଖରେ ଫାୟାର ଏଡ଼୍ଓସି ନ ଥିବା ଜଣାପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, କାରଖାନାରେ େଓ୍ଵଲ୍ଡ଼ିଙ୍ଗ କାମ ଚାଲୁଥିବା ବେଳେ ଗନ୍ଧକ ରଖାଯାଇଥିବା ଘରେ ସର୍ଟ ସର୍କିଟ ହୋଇଥିଲା, ଯାହା ଫଳରେ ନିଆଁ ଲାଗି ଯାଇଥିଲା । ଅଗ୍ନିଶମ ବିଭାଗ ଏନ୍ଓସି ବିନା କିଛି ବର୍ଷ ହେଲା ଏହି କମ୍ପାନି ଚାଲି ଆସୁଥିଲା । ନିଆଁ ଲାଗିବା ପରେ ଏତେ ବଡ଼ ଫ୍ୟାକ୍ଟ୍ରି ହୋଇ ନିଆଁ ଲିଭାଇବା ପାଇଁ କିଛି କିପରି ରଖା ଯାଇ ନଥିଲା ବୋଲି କାରଖାନା ମାଲିକଙ୍କୁ ପଚାରିବା ଆରମ୍ଭ କରିଛି ପୁଲିସ । ଏହା ସହ ଅଧିକ ସୂଚନା ପାଇଁ କାଗଜପତ୍ର ନେଇ ତଦନ୍ତ ଆରମ୍ଭ କରିଛି ପୁଲିସ ।