ଏହି ଗାଁରେ ଝିଅମାନେ ୧୨ବର୍ଷ ବୟସ ପରେ ପୁଅ ପାଲଟି ଯାଆନ୍ତି
ବିଶ୍ୱରେ ଏମିତି ଏକ ଗାଁ ରହିଛି ଯେଉଁଠି ଝିଅମାନେ ୧୨ବର୍ଷ ବୟସ ପରେ ଆପେ ଆପେ ପୁଅ ପାଲଟି ଯାଇଥାନ୍ତି । ଏହି କଥାଟି ଆପଣଙ୍କୁ ଅଶ୍ଚର୍ଯ୍ୟ ଲାଗୁଥିଲେ ମଧ୍ୟ ଏହା ସତ । ଡ଼ୋମିନିକାନ୍ ରିପବ୍ଲିକ୍ରେ ଏକ ଏମିତି ଗାଁ ରହିଛି ଯେଉଁଠି ଏଭଳି ସମସ୍ୟା ରହିଛି । ଏହି ଗାଁରେ ଝିଅମାନଙ୍କୁ ୧୨ବର୍ଷ ହେବା ମାତ୍ରେ ସେମାନଙ୍କ ଶରୀରର ଅଙ୍ଗରେ ପରିବର୍ତ୍ତନ ଆସିବ ସହ ସେମାନେ ପୁଅ ପାଲଟି ଯାଇଥାନ୍ତି । ଏହି ଗାଁର ଜନସଂଖ୍ୟା ୬ ହଜାର ହୋଇଥିବା ବେଳେ ଗାଁର ଏଭଳି ପରିସ୍ଥିତି ଏବେ ସାରା ବିଶ୍ୱରେ ଚର୍ଚ୍ଚାର ବିଷୟ ପାଲଟିଛି । ବହୁ ବୈଜ୍ଞାନିକ ଏହାର କାରଣ ଜାଣିବା ପାଇଁ ବିଭିନ୍ନ ପ୍ରକାରର ଗବେଷଣା କରି ମଧ୍ୟ ଏହାର ପ୍ରକୃତ କାରଣ ଖୋଜି ପାଇ ନାହାନ୍ତି ।
Sambad is now on WhatsApp
Join and get latest news updates delivered to you via WhatsApp
ସ୍ଥାନୀୟ ଲୋକେ କୌଣସି ଅଦୃଶ୍ୟ ଶକ୍ତି ପାଇଁ ଏପରି ହେଉଛି ବୋଲି କହୁଥିବା ବେଳେ ବୈଜ୍ଞାନିକମାନେ ଏହାକୁ ଜେନେଟିକ୍ ଡ଼ିଜ୍ଅର୍ଡ଼ର ବୋଲି କହିଛନ୍ତି । ଏହି ସମସ୍ୟା ପାଇଁ ଗାଁରେ ଝିଅମାନଙ୍କ ସଂଖ୍ୟା କମିବାରେ ଲାଗିଛି । ଏହି ସମସ୍ୟା ବିଷୟରେ ଜଣେ ପୀଡ଼ିତା ମିଟ୍ ଜନ୍ନିଙ୍କ କହିବା ଅନୁଯାୟୀ, ମୁଁ ଛୋଟ ବେଳେ ଝିଅ ହୋଇ ଜନ୍ମ ହୋଇଥିବା ବେଳେ ୧୨ବର୍ଷ ପରେ ମୋ ଶରୀରରେ ପରିବର୍ତ୍ତନ ଆସିଥିଲା । ମୋ ଶରୀରର ଅଙ୍ଗ ପୁଅମାନଙ୍କ ଭଳି ହେବା ସହ ମୋ ସ୍ୱର ମଧ୍ୟ ବଦଳି ଯାଇଥିଲା । ଧୀରେ ଧୀରେ ମୁଁ ପୁଅମାନଙ୍କ ଭଳି ବ୍ୟବହାର କରିବାକୁ ଲାଗିଥିଲି । ଖାଲି ମୁଁ ନୁହେଁ ଆମ ଗାଁର ଅନେକ ପିଲାମାନଙ୍କ ସହ ଏପରି ଘଟିଛି ।