ଧାରା ୩୭୦, ନାଗରିକତା ଆଇନ ସଂପର୍କିତ ନିଷ୍ପତ୍ତିରେ ଆମେ ଅଟଳ : ମୋଦୀ
ବାରାଣାସୀ : ବାରାଣାସୀରେ ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କହିଛନ୍ତି ଯେ କଶ୍ମୀରରୁ ଧାରା ୩୭୦ ଉଠିବା, ନାଗରିକତା (ସଂଶୋଧନ) ଆଇନ ଆଦି ପଦକ୍ଷେପ ଦେଶର ମଙ୍ଗଳ ପାଇଁ ଗ୍ରହଣ କରାଯାଇଛି । ପ୍ରବଳ ଚାପ ସତ୍ତ୍ୱେ ଆମେ ସରକାରଙ୍କ ଏହି ନିଷ୍ପତ୍ତିରେ ଅଟଳ ରହିଛୁ ।
Sambad is now on WhatsApp
Join and get latest news updates delivered to you via WhatsApp
ପ୍ରଧାନମନ୍ତ୍ରୀ ମୋଦୀ ଆଜି ନିଜ ନିର୍ବାଚନ କ୍ଷେତ୍ର ବାରାଣାସୀରେ ୧୨୦୦ କୋଟି ଟଙ୍କାର ପ୍ରାୟ ୩୦ଟି ପ୍ରକଳ୍ପର ଲୋକାର୍ପଣ କରିଛନ୍ତି । ଏହା ମଧ୍ୟରେ ରହିଛି ଭାରତୀୟ ଜନସଂଘର ପୂର୍ବତନ ସଦସ୍ୟ ପଣ୍ଡିତ ଦୀନଦୟାଲ ଉପାଧ୍ୟାୟଙ୍କ ୬୩ ଫୁଟ ଉଚ୍ଚ ପ୍ରତିମୂର୍ତ୍ତିର ଉନ୍ମୋଚନ । ଏହା ହେଉଛି ସାରା ଦେଶରେ ପଣ୍ଡିତ ଉପାଧ୍ୟାୟଙ୍କର ସର୍ବୋଚ୍ଚ ପ୍ରତିମୂର୍ତ୍ତି । ଏହି ପ୍ରତିମୂର୍ତ୍ତିକୁ ଓଡ଼ିଶାର ପ୍ରାୟ ୩୦ ଜଣ ଶିଳ୍ପୀ ନିର୍ମାଣ କରିଛନ୍ତି । ସେହିପରି ଏହି ପ୍ରତିମୂର୍ତ୍ତି ନିକଟରେଥିବା ଦୀନଦୟାଲ ଉପାଧ୍ୟାୟ ସ୍ମାରକୀ କେନ୍ଦ୍ରକୁ ପ୍ରାୟ ୨୦୦ ଶିଳ୍ପୀ ୧ ବର୍ଷ କାଳ କାର୍ଯ୍ୟକରି ନିର୍ମାଣ କରିଛନ୍ତି ।
ଏହାଛଡ଼ା ମୋଦୀ ୪୩୦ ଶଯ୍ୟା ବିଶିଷ୍ଟ ସୁପର ସ୍ପେଶିଆଲିଟି ହସପିଟାଲ ଓ ବନାରସ ହିନ୍ଦୁ ବିଶ୍ୱ ବିଦ୍ୟାଳୟରେ ୭୪ ଶଯ୍ୟା ବିଶିଷ୍ଟ ୭୪ ଶଯ୍ୟା ବିଶିଷ୍ଟ ମନୋଚିକିତ୍ସା ହସପିଟାଲ ନିର୍ମାଣ କରାଯାଇଛି ।