ବାରଣାସୀ: ଉତ୍ତରପ୍ରଦେଶର ବାରଣାସୀରେ କିଭଳି ରହିଛି ବନ୍ୟା ସ୍ଥିତି ଆଜି ନିଜେ ସମୀକ୍ଷା କରିଛନ୍ତି ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ | ଯୋଗୀ ଆଜି ଏନଡିଆରଏଫ ଯବାନଙ୍କ ସହ ବୋଟରେ ବୁଲି ବନ୍ୟାଞ୍ଚଳରେ ଲୋକଙ୍କ ସ୍ଥିତି ବୁଝିଛନ୍ତି | ଉଛୁଳା ଗଙ୍ଗା ନଦୀରେ ଯୋଗୀ ଆଜି ଲାଇଫ ଜ୍ୟାକେଟ ପିନ୍ଧି ବନ୍ୟାଞ୍ଚଳ ବୁଲି ଦେଖିଛନ୍ତି |
Sambad is now on WhatsApp
Join and get latest news updates delivered to you via WhatsApp
#WATCH Uttar Pradesh Chief Minister Yogi Adityanath visits flood affected areas with a team of National Disaster Response Force (NDRF), in Varanasi. pic.twitter.com/y4fWl2SgO6
— ANI UP (@ANINewsUP) September 20, 2019
ଏଠାରେ ସୂଚନା ଥାଉ କି ଗଙ୍ଗାନଦୀରେ ଜଳସ୍ତର ସତର୍କ ସଙ୍କେତ ଡେଇଁଛି । ଗଙ୍ଗୀ ନଦୀ ଉପକୂଳର ତଳିଆ ଅଂଚଳରେ ବନ୍ୟା ଜଳ ପଶି ସ୍ୱାଭାବିକ ଜନଜୀବନକୁ ପ୍ରଭାବିତ କରିଛି । ବାରଣାସୀର ମାରୁତି ନଗର, ପଟେଲ ନଗର ସମେତ ତଳିଆ ଅଂଚଳରେ ଏବେ ଗଙ୍ଗା ନଦୀର ବନ୍ୟା ଜଳ ପ୍ରବେଶ କରିଛି । କେଉଁଠି ଘର ଛାତ ଯାଏଁ ପାଣି ମାଡିଯାଇଛି ତ ପୁଣି କେଉଁଠି ଘରକୁ ବୁଡାଇ ଦେଇଛି । ଲୋକେ ଏବେ ନିଜ ଘରେ ଜଳବନ୍ଦୀ ହୋଇ ରହିଛନ୍ତି । ଶହ ଶହ ହେକ୍ଟର ଚାଷ ଜମି ଜଳାର୍ଣ୍ଣବ ହୋଇପଡିଛି ।