ଖୋର୍ଦ୍ଧା : ବ୍ରିଟିଶ୍ ବିରୋଧରେ ପ୍ରଥମ ସଶସ୍ତ୍ର ଓ ସଂଘବଦ୍ଧ ସଂଗ୍ରାମ ପାଇକ ବିଦ୍ରୋହ ଦେଶର ପ୍ରଥମ ସହିଦ ଜୟୀ ରାଜଗୁରୁ ବୋଲି ଆଜି ଜୟୀ ରାଜଗୁରୁଙ୍କ ୨୧୫ତମ ବଳିଦାନ ଦିବସରେ ଅନୁଷ୍ଠିତ କାର୍ଯ୍ୟକ୍ରମରେ ବହୁ ମାନ୍ୟଗଣ୍ୟ ବ୍ୟକ୍ତି ଓ ଐତିହାସିକ ମତବ୍ୟକ୍ତ କରିଛନ୍ତି ।
ନ୍ୟୁ ଥିକିଙ୍ଗ୍ ଫୋରମ୍ ପକ୍ଷରୁ ସ୍ଥାନୀୟ ପଞ୍ଚ ପାଇକ ପୀଠ ଠାରେ ଅନୁଷ୍ଠିତ କାର୍ଯ୍ୟକ୍ରମରେ ଫୋରମର ସଭାପତି ନରେନ୍ଦ୍ର ପୃଷ୍ଟି ଅଧ୍ୟକ୍ଷତା କରିଥିଲେ । ସହରର ଅନେକ ମାନ୍ୟଗଣ୍ୟ ବ୍ୟକ୍ତି ଯୋଗ ଦେଇ ସହିଦଙ୍କ ପ୍ରତିମୂର୍ତିରେ ମାଲ୍ୟାର୍ପଣ କରିବା ସହ ତାଙ୍କର ସ୍ମୃତିଚାରଣ କରିଥିଲେ । ପାଇକ ବିଦ୍ରୋହକୁ କେନ୍ଦ୍ର ସଂସ୍କୃତିମନ୍ତ୍ରୀ ପ୍ରଥମ ସ୍ୱାଧୀନତା ସଂଗ୍ରାମ ନୁହେଁ ବୋଲି କହିବା ଦୁର୍ଭାଗ୍ୟଜନକ ବୋଲି ମତ ପୋଷଣ କରିଥିଲେ ।
Sambad is now on WhatsApp
Join and get latest news updates delivered to you via WhatsApp
ଏହି କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ଆଇନଜୀବୀ ଶିଶିର ପରିଡ଼ା, ପ୍ରମୋଦ ସାହୁ, ଅଦ୍ୱୈତ ପ୍ରଧାନ, ବିକ୍ରମ ଚମ୍ପତ୍ତି, ବସନ୍ତ ଦାସ, ସୁବାସ ପାତ୍ର, ଡ. ବୃନ୍ଦାବନ ପଣ୍ଡା, ବିପ୍ର ବେହେରା, ବାସା ଖାଁ , ମୁମତାଜ୍ ଖାଁ, ଇତିଶ୍ରୀ ସାହୁ, ଗୋପାଳ ଦାସ, ବୈକୁଣ୍ଠ ରାଜଗୁରୁ, ସୁବାସ ସାମନ୍ତରାୟ, ବୈକୁୁଣ୍ଠ ମହାପାତ୍ର, ଧରଣୀ ଛୋଟରାୟ, ବିଜୟ ପ୍ରଧାନ, ପ୍ରଫୁଲ୍ଳ ସେଠୀ ପ୍ରମୁଖ ଉପସ୍ଥିତ ଥିଲେ ।