ଓମିକ୍ରନର ଲକ୍ଷଣ ଦେଖାଗଲେ ଖାଆନ୍ତୁ ଏହି ଖାଦ୍ୟ
ନୂଆଦିଲ୍ଲୀ: ଦେଶରେ ଓମିକ୍ରନ୍ ଭାରିଆଣ୍ଟ ପାଇଁ ସଂକ୍ରମିତ ଲୋକଙ୍କ ସଂଖ୍ୟା କିଛି ସପ୍ତାହ ମଧ୍ୟରେ ଅତି ଦ୍ରୁତ ଗତିରେ ବୃଦ୍ଧି ପାଇଛି। ଏଥି ସହିତ, ଭାରତରେ ଗତ ୨୪ଘଣ୍ଟା ମଧ୍ୟରେ କରୋନା ରୋଗୀଙ୍କ ସଂଖ୍ୟା ୩ଲକ୍ଷ ଅତିକ୍ରମ କରିଛି। ଓମିକ୍ରନର ପ୍ରଭାବକୁ ହ୍ରାସ କରିବା ପାଇଁ ଟିକାକରଣ ହେଉଛି ସର୍ବୋତ୍ତମ ଉପାୟ। ହେଲେ ଟିକା ନେଇଥିବା ଲୋକେ ମଧ୍ୟ ଏହି ଭାରିଆଣ୍ଟ ଦ୍ବାରା ଆକ୍ରାନ୍ତ ହେଉଥିବା ଦେଖାଯାଉଛି। ତେବେ ଓମିକ୍ରନ ଦ୍ବାରା ଆକ୍ରାନ୍ତ ହେଲେ ଏହାର ଲକ୍ଷଣ ଜାଣି କେଉଁ ଖାଦ୍ୟ ଖାଇବା ଆବଶ୍ୟକ, ଆଜି ଆମେ ଆପଣଙ୍କୁ ସେବିଷୟରେ ଜଣାଇବୁ।
Sambad is now on WhatsApp
Join and get latest news updates delivered to you via WhatsApp
୧. ଓମିକ୍ରନ୍ ଭାରିଆଣ୍ଟ ଦ୍ବାରା ସଂକ୍ରମିତ ହେଲେ ଦହି ଖାଇବା ଆରମ୍ଭ କରନ୍ତୁ। ଦହି ଥଣ୍ଡା ହୋଇଥିବାରୁ ଏହାକୁ ଖାଇବା ଦ୍ବାରା ଗଳାକୁ ଅାରାମ ମିଳେ। ଏଥିସହ ଏଥିରେ ପ୍ରୋଟିନ୍ ଭରପୂର ରହିଥାଏ, ଯେଉଁଥିପାଇଁ ଭୋକ ମଧ୍ୟ କମ୍ ଲାଗେ। କିନ୍ତୁ ମନେରଖନ୍ତୁ ମଧ୍ୟାହ୍ନ ଭୋଜନ ସମୟରେ ହିଁ ଦହି ଖାଇବା ଉଚିତ୍।
୨. ଗଳାକୁ ଆରାମ ଦେବା ପାଇଁ ସୁପ୍ ପିଇବା ଜରୁରୀ। ସୁପରେ ଅନେକ ଇଲେକ୍ଟ୍ରୋଲାଇଟ୍ ରହିଥାଏ, ଯାହାର ଶରୀରରକୁ ଓମିକ୍ରନ ସହ ଲଢ଼ିବାକୁ ଶକ୍ତି ଦେବ। ଅନ୍ୟପକ୍ଷରେ, ଯଦି ଆପଣଙ୍କୁ ଭୋକ ଲାଗୁଥାଏ ତେବେ ଆପଣ ଏଥିରେ ବିଭିନ୍ନ ପରିବା ମିଶାଇ ଏହାକୁ ପ୍ରସ୍ତୁତ କରିପାରିବେ। ଏହା ଦ୍ବାରା ଭୋକ ମେଣ୍ଟିବା ସହ ଆପଣଙ୍କୁ ସଂକ୍ରମଣ ସହ ଲଢ଼ିବାରେ ଶକ୍ତି ମିଳିବ।
୩. ଯଦି ଆପଣ ଓମିକ୍ରନ୍ ଭାରିଆଣ୍ଟରେ ସଂକ୍ରମିତ ହେଉଛନ୍ତି, ତେବେ ଆପଣ ପତ୍ରଯୁକ୍ତ ପନିପରିବା ଖାଇବା ଉଚିତ୍। ଓମିକ୍ରନ ଦ୍ବାରା ସଂକ୍ରମିତ ହେଲେ ଆପଣ ପାଳଙ୍ଗ, , ପତ୍ର କୋବି, ଫୁଲକୋବି ଖାଇପାରିବେ। ଏଗୁଡିକ ଖାଇବା ଦ୍ୱାରା ଆପଣଙ୍କ ଶରୀର ଅନେକ ପୁଷ୍ଟିକର ଉପାଦାନ ପାଇବ, ଯାହା ଆପଣଙ୍କୁ ଓମିକ୍ରନ୍ ସଂକ୍ରମଣ ବିରୋଧରେ ଲଢ଼ିବାରେ ସାହାଯ୍ୟ କରିବ। ଏହା ବ୍ୟତୀତ, ଏହାକୁ ଖାଇବା ଦ୍ୱାରା ଆପଣଙ୍କର ରୋଗ ପ୍ରତିରୋଧକ ଶକ୍ତି ମଧ୍ୟ ମଜବୁତ ହେବ।