ଟିପିଏସ୍ଓଡିଏଲ୍ ପକ୍ଷରୁ ଭ୍ରାମ୍ୟମାଣ କମ୍ପାକ୍ଟ ସବଷ୍ଟେସନର ଶୁଭାରମ୍ଭ
ଭୁବନେଶ୍ୱର: ଗ୍ରାହକମାନଙ୍କୁ ଭରସାଯୋଗ୍ୟ ବିଦ୍ୟୁତ ଯୋଗାଣ କ୍ଷେତ୍ରରେ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ସ୍ୱରୂପ, ଟାଟା ପାୱାର ଓ ଓଡ଼ିଶା ସରକାରଙ୍କ ଯୌଥ ଉଦ୍ୟୋଗ ଟିପି ସଦର୍ଣ୍ଣ ଓଡ଼ିଶା ଡିଷ୍ଟ୍ରିବୁସନ ଲିମିଡେ୍ (ଟିପିଏସଓଡିଏଲ୍) ପକ୍ଷରୁ ଏହାର କାର୍ଯ୍ୟ କ୍ଷେତ୍ରରେ ଭ୍ରାମ୍ୟମାଣ ସବଷ୍ଟେସନ ଭାବେ ପରିଚିତ ଅଭିନବ ସମାଧାନର ଶୁଭାରମ୍ଭ କରାଯାଇଛି ।
Sambad is now on WhatsApp
Join and get latest news updates delivered to you via WhatsApp
ଏହି ଭ୍ରାମ୍ୟମାଣ ସବଷ୍ଟେସନରେ ସାମିଲ ରହିଛି ଏକ ବିତରଣ ଟ୍ରାନ୍ସଫରମର, ହାଇ ଟେନସନ୍ ଓ ଲୋ ଟେନ୍ସନ୍ ସୁରକ୍ଷା ଉପକରଣ ସହିତ ଏକ ଭ୍ରାମ୍ୟମାଣ ଟ୍ରଲିରେ ଖଞ୍ଜାଯାଇଛି ଅନ୍ୟାନ୍ୟ ଉପକରଣ । ଏହି ଭ୍ରାମ୍ୟମାଣ କ୍ଷୁଦ୍ର ଆକୃତିର ସବଷ୍ଟେସନ ହେଉଛି ପ୍ଲଗ୍-ଇନ୍ ପ୍ରକାରର ସବଷ୍ଟେସନ ଓ ପରିବହନ ସମୟ ବ୍ୟତୀତ ସେବା ପାଇଁ ଏହାକୁ ଉପଯୋଗୀ କରିବା ଲାଗି ୧.୫ ଘଂଟା ସମୟ ଦରକାର । ସ୍ଥାପିତ ଟ୍ରାନ୍ସଫରମର ଖରାପ ହୋଇଯିବା ଓ ହସ୍ପିଟାଲ ଭଳି ପ୍ରମୁଖ ସଂସ୍ଥା୍, ଜଳ ଯୋଗାଣ ଏବଂ ଝଡ଼ ଓ ବାତ୍ୟା ଭଳି ପ୍ରାକୃତିକ ବିପର୍ଯ୍ୟୟ ଭଳି ମାମଲାରେ ଶୀଘ୍ର ବିଦ୍ୟୁତ ଯୋଗାଣ ସ୍ୱାଭାବିକ କରିବା ଲାଗି ଏହାକୁ ବ୍ୟବହାର କରାଯାଉଛି ।