ଆନ୍ଦୋଳନ ନାମରେ ଅତ୍ୟାବଶ୍ୟକ ସାମଗ୍ରୀ ଆଣୁଥିବା ଗାଡିକୁ ଅଟକାଇବାକୁ ବିରୋଧ କଲା ଟ୍ୟାଙ୍କ ଟ୍ରକ ମାଲିକ ସଂଘ
କଟକ: ଓଡ଼ିଶା ଡ୍ରାଇଭର ମହାସଂଘର ଷ୍ଟିଅରିଙ୍ଗ ଛାଡ ଆନ୍ଦୋଳନବେଳେ ଅତ୍ୟାବଶ୍ୟକ ସାମଗ୍ରୀର ପରିବହନକୁ ଯେଉଁଭଳି ବାଧା ଦିଆଯାଉଛି ତାହାକୁ ନାପସନ୍ଦ କରିଛି ଟ୍ୟାଙ୍କ ଟ୍ରକ ମାଲିକ ସଂଘ । ସଂଘ ପକ୍ଷରୁ ସାମ୍ବାଦିକ ସମ୍ମିଳନୀ କରାଯାଇ ସୂଚନା ଦିଆଯାଇଛି ଯେ ଆସନ୍ତାକାଲି ଅପରାହ୍ନ ପର୍ଯ୍ୟନ୍ତ ପେଟ୍ରୋଲ ଓ ଡିଜେଲ ଉପଲବ୍ଧ ଅଛି। ତେଣୁ ରାସ୍ତାରେ ଯେଉଁ ଭଳି ଆନ୍ଦୋଳନ ନାଁରେ ଟ୍ୟାଙ୍କର ଗାଡିକୁ ଅଟକାଯାଉଛି ତାହା ଗ୍ରହଣୀୟ ନୁହେଁ। ପେଟ୍ରୋଲ ଓ ଡିଜେଲ ଠିକ ସମୟରେ ନ ପହଂଚିଲେ ରୋଗୀ ସେବାରେ ନିୟୋଜିତ ଆମ୍ବୁଲାନସ, ପୁଲିସ ଗାଡି, ପରୀକ୍ଷା ଗାଡି, ଅତ୍ୟାବଶ୍ୟକ ସାମଗ୍ରୀ ପରିବହନ ବାଧାପ୍ରାପ୍ତ ହେବ।ତେଣୁ ଆନ୍ଦୋଳନକାରୀ ଏହି ଟ୍ୟାଙ୍କର ଗାଡି ସେବାକୁ ବାଧା ନ ଦିଅନ୍ତୁ ବୋଲି ସଂଘ ପକ୍ଷରୁ ଦାବି କରାଯାଇଛି ।
Sambad is now on WhatsApp
Join and get latest news updates delivered to you via WhatsApp
ଅନ୍ୟପକ୍ଷରେ ପୁଲିସ ମଧ୍ୟ ଏହି ସବୁ ଗାଡିକୁ ସୁରୁଖୁରରେ ଗନ୍ତବ୍ୟସ୍ଥଳକୁ ଯିବା ପାଇଁ ବ୍ୟବସ୍ଥା କରନ୍ତୁ ବୋଲି ଟ୍ୟାଙ୍କ ଟ୍ରକ୍ ମାଲିକ ସଂଘ ପକ୍ଷରୁ ଦାବି କରାଯାଇଛି।