ଦିଲ୍ଲୀରେ ଖୋଲିଲା େଓ୍ଵଷ୍ଟ ଟୁ ଓ୍ଵଣ୍ଡର ଥିମ୍ ପାର୍କ : ସହରର ଆବର୍ଜନାକୁ ନେଇ ତିଆରି ହୋଇଛି ବିଶ୍ୱର ସପ୍ତାଶ୍ଚର୍ଯ୍ୟ
ନୂଆଦିଲ୍ଲୀ : ଆଜିକାଲି ଦେଶରେ ଜନସଂଖ୍ୟା ବଢ଼ୁଥିବା ବେଳେ ପ୍ରଦୂଷଣ ମଧ୍ୟ ବଢ଼ିବାରେ ଲାଗିଛି । ଏହାକୁ ନିୟନ୍ତ୍ରଣ କରିବା ପାଇଁ ଦକ୍ଷିଣ ଦିଲ୍ଲୀ ନଗର ନିଗମ ଏକ ଉଦ୍ୟମ ଆରମ୍ଭ କରିଛି । ସହରରୁ ବାହାରୁଥିବା ଆବର୍ଜନାକୁ ନେଇ କିଛି ଭଲ କରିବା ପାଇଁ ଚେଷ୍ଟା କରାଯାଇ େଓ୍ଵଷ୍ଟ ଟୁ ଓ୍ଵଣ୍ଡରର ପାର୍କ ତିଆରି କରିଛନ୍ତି । ଯେଉଁଠି ଆବର୍ଜନାକୁ ବ୍ୟବହାର କରି ବିଶ୍ୱର ସପ୍ତାଶ୍ଚର୍ଯ୍ୟ ତିଆରି କରାଯାଇଛି । ଏହାର ଫଟୋ ଏବେ ପୋଷ୍ଟ କରାଯିବା ପରେ ସୋସିଆଲ ମିଡିଆରେ ଏହା ଭାଇରାଲ ହେବାରେ ଲାଗିଛି । ଆବର୍ଜନାକୁ ବାୟୁମଣ୍ଡଳକୁ ପ୍ରଦୂଷଣ କରିବାକୁ ନ ଦେଇ ସେଥିରୁ ବିଶ୍ୱର ସପ୍ତାଶ୍ଚର୍ଯ୍ୟ ତିଆରି କରାଯିବାର ଦୃଶ୍ୟ ଏବେ ସମସ୍ତଙ୍କ ଦୃଷ୍ଟି ଆକର୍ଷଣ କରିଛି ।
Sambad is now on WhatsApp
Join and get latest news updates delivered to you via WhatsApp
ଏହାକୁ ତିଆରି କରିବା ପାଇଁ ୧୮୦ଦିନ ଲାଗିଥିବା ବେଳେ ଫାଇନ୍ ଆର୍ଟସ୍ କଲେଜ୍ର ଛାତ୍ର ରାକେଶ ରାନା, ଅନୁଜ୍ ପୋଡର, ବିଜୁଶ କାନ୍ତି ପାତ୍ର, ସନ୍ଦିପ୍ ପିଶାଲକର ଏବଂ ପ୍ରେମକୁମାର ବୈଶ୍ୟ ଏହାକୁ ନିର୍ମାଣ କରିଥିଲେ । ଏହି ସପ୍ତାଶ୍ଚର୍ଯ୍ୟର ନମୁନା ତିଆରି କରିବା ପାଇଁ ଦକ୍ଷିଣ ଦିଲ୍ଲୀ ନଗର ନିଗମ ୧୫୦ଟନ୍ ରଦ୍ଦି ହୋଇ ଯାଇଥିବା ଜିନିଷ ଏବଂ ବିଭିନ୍ନ କାରଖାନାରୁ ବାହାରୁଥିବା ଆବର୍ଜନାକୁ ଏକାଠି କରିଥିଲା । ୩ବର୍ଷରୁ କମ୍ ଏବଂ ୬୫ବର୍ଷରୁ ଉର୍ଦ୍ଧ ଲୋକମାନଙ୍କୁ ମାଗଣା ବୁଲିବାର ସୁବିଧା ଥିବା ବେଳେ ୩-୧୨ମଧ୍ୟରେ ଥିବା ପିଲାମାନଙ୍କ ପାଇଁ ଟିକେଟ୍ ଦାମ୍ ୨୫ ରହିଛି । ଏହା ସହ ଯୁବକ-ଯୁବତୀମାନଙ୍କ ପାଇଁ ଟିକେଟ୍ ଦାମ୍ ୫୦ଟଙ୍କର ଥିବା ଜଣା ପଡ଼ିଛି ।