ନୂଆଦିଲ୍ଲୀ: ଦିଲ୍ଲୀ ମେଟ୍ରୋ ରେଳ କର୍ପୋରେସନ ((ଡିଏମଆରସି)ର ଜଣେ କର୍ମଚାରୀ ସମସ୍ତ ମେଟ୍ରୋ ଷ୍ଟେସନରେ ସବୁଠାରୁ ଦ୍ରୁତ ଗତିରେ ଯାତ୍ରା କରି ଗିନିଜ ବୁକ୍ ଅଫ୍ ୱାର୍ଲ୍ଡ ରେକର୍ଡ ସୃଷ୍ଟି କରିଛନ୍ତି ବୋଲି ଦିଲ୍ଲୀ ମେଟ୍ରୋ ଦାବି କରିଛି। ସୋସିଆଲ ମିଡିଆ ହ୍ୟାଣ୍ଡେଲର ଏକ ପୋଷ୍ଟରେ, ଦିଲ୍ଲୀ ମେଟ୍ରୋ ଏକ ମେଟ୍ରୋ ଷ୍ଟେସନର ପ୍ଲାଟଫର୍ମରେ ଠିଆ ହୋଇଥିବା ବେଳେ କର୍ମଚାରୀଙ୍କ ଫଟୋ ସେୟାର କରିଛି।
Sambad is now on WhatsApp
Join and get latest news updates delivered to you via WhatsApp
ଡିଏମଆରସି ଲେଖିଛି, ‘ଡିଏମଆରସିର କର୍ମଚାରୀ ପ୍ରଫୁଲ୍ଲ ସିଂ ସମସ୍ତ ମେଟ୍ରୋ ଷ୍ଟେସନର ଦ୍ରୁତତମ ଯାତ୍ରା କରି ରେକର୍ଡ ସୃଷ୍ଟି କରିଛନ୍ତି। ଯେଉଁଥିପାଇଁ ତାଙ୍କୁ ଗିନିଜ ୱାର୍ଲ୍ଡ ରେକର୍ଡ ପ୍ରମାଣପତ୍ର ମିଳିଛି। ସେ ପ୍ରଥମ ବ୍ୟକ୍ତି ଭାବରେ ମାତ୍ର ୧୬ ଘଣ୍ଟା ୨ ମିନିଟରେ ୩୪୮ କିଲୋମିଟର ଦୂରତା ଅତିକ୍ରମ କରି ୨୫୪ ଷ୍ଟେସନ୍ ଭ୍ରମଣ କରିଛନ୍ତି। ପ୍ରଫୁଲ୍ଲଙ୍କ ଏହି କାମ ପାଇଁ ଡିଏମଆରସି ପରିବାର ଗର୍ବିତ ।
DMRC employee Prafull Singh has entered into the Guinness World Records for recording the ‘Fastest time to travel to all Metro stations’. This makes him the first person to travel to 254 stations covering 348 kms in just 16 hrs 2 minutes. DMRC family is proud of Prafull’s feat. pic.twitter.com/RswgUBgANi
— Delhi Metro Rail Corporation I कृपया मास्क पहनें😷 (@OfficialDMRC) March 15, 2022
ଗିନିଜ ବୁକ୍ ଅଫ୍ ୱାର୍ଲ୍ଡ ରେକର୍ଡର ୱେବସାଇଟ୍ ପ୍ରଫୁଲ୍ଲ ସିଂଙ୍କ ପୋଷ୍ଟ ସେୟାର କରିଛି। ଯେଉଁଥିରେ ପ୍ରଫୁଲ୍ଲ କହିଛନ୍ତି, ‘ମୁଁ ଦୀର୍ଘ ଦିନ ଧରି ଦିଲ୍ଲୀ ମେଟ୍ରୋ ବ୍ୟବହାର କରୁଛି, ତେଣୁ ମୋତେ ସମସ୍ତ ଲାଇନ ବିଷୟରେ ସଠିକ ଭାବେ ଜଣାଥିଲା। । ମୋର ଯୋଜନା ଥିଲା କେଉଁ ଷ୍ଟେସନ ଏବଂ ଲାଇନରୁ ମୋତେ ଯାତ୍ରା ଆରମ୍ଭ ଏବଂ ଶେଷ କରିବାର ଅଛି। ଯାହାଦ୍ବାରା ମୁଁ ମୋର ରେକର୍ଡକୁ ସମୟ ପୂର୍ବରୁ ସମ୍ପୂର୍ଣ୍ଣ କରିପାରିବି |’