ଚିକିତ୍ସା ବିଜ୍ଞାନରେ ଆଉ ଏକ ସଫଳତା: ରୋବଟିକ୍ ସର୍ଜରି ମାଧ୍ୟମରେ ହେଲା କିଡନି ପ୍ରତିରୋପଣ

ଏସଜିପିଜିଆଇ ପକ୍ଷରୁ ମିଳିଥିବା ସୂଚନା ମୁତାବକ, ବାରବାଙ୍କିରେ ରହୁଥିବା ଜଣେ ୪୨ ବର୍ଷିୟ ମହିଳାଙ୍କ କିଡନି ପ୍ରତିରୋପଣ ରୋବଟିକ ସର୍ଜରି ମାଧ୍ୟମରେ କରାଯାଇଛି । ଏନେଇ ବିଭାଗୀୟ ମୁଖ୍ୟ ଡାକ୍ତର ଅନିଶ ଶ୍ରୀବାସ୍ତବ କହିଛନ୍ତି କି, ଏହି କିଡନି ପ୍ରତିରୋପଣ ପାଇଁ କିଡନିର ଆବଶ୍ୟକତା ଥିବା ବେଳେ ମହିଳାଙ୍କ ୬୬ ବର୍ଷିୟ ମା’ କିଡନି ଦାନ କରିଛନ୍ତି । କିଡନି ମିଳିବା ପରେ ରୋବଟିକ୍ ସର୍ଜରି ମାଧ୍ୟମରେ ମହିଳାଙ୍କ କିଡନି ପ୍ରତିରୋପଣ କରାଯାଇଛି । ଏବେ କିଡନି ଦାତା ଓ କିଡନି ଗ୍ରହଣ କରିଥିବା ମହିଳା ସୁସ୍ଥ ଅଛନ୍ତି । ଏହାସହ ସେମାନେ ଏବେ ୧୦/୧୨ ଦିନ ଡାକ୍ତରଖାନାରେ ରହିବେ ବୋଲି ଶ୍ରୀବାସ୍ତବ କହିଛନ୍ତି । ସେ ଆହୁରି କହିଛନ୍ତି କି, ରୋବର୍ଟ ମାଧ୍ୟମରେ ଏହି ସର୍ଜରି କରିବା ପାଇଁ ପାଖାପାଖି ୫ ଘଣ୍ଟା ସମୟ ଲାଗିଥିଲା ।