୬୦ବର୍ଷରେ ଏହି ସ୍ଥାନରେ ଦୁର୍ଘଟଣାଗ୍ରସ୍ତ ହେଲାଣି ୨୦୦୦ବିମାନ ! ଏହା ପଛର ରହସ୍ୟ ଜାଣି ପାରି ନାହାନ୍ତି ବୈଜ୍ଞାନିକ
ନୂଆଦିଲ୍ଲୀ : ଯେପରି ଆଣ୍ଟଲାଟିକ ମହାସାଗରରେ ଥିବା ବରମୁଡ଼ା ଟ୍ରାଙ୍ଗେଲ ନିଜର ରହସ୍ୟ ପାଇଁ ଜଣାଶୁଣା, ଠିକ ସେଭଳି ଭାବରେ ନେଓ୍ଵାଡ଼ାରେ ଥିବା ଏହି ଅଞ୍ଚଳକୁ ସବୁଠାରୁ ବିପଦ ସଙ୍କୁଳ ବୋଲି କୁହାଯାଏ । ଏଠାରେ ଘଟୁଥିବା ଘଟଣା ପାଇଁ ଏହାକୁ ନେଓ୍ଵାଡ଼ା ଟ୍ରାଙ୍ଗେଲ ମଧ୍ୟ କୁହାଯିବା ସାମ୍ନାକୁ ଆସିଛି।
Sambad is now on WhatsApp
Join and get latest news updates delivered to you via WhatsApp
ପଶ୍ଚିମ ଆମେରିକାର ରେନୋ, ଫ୍ରେସ୍ନୋ ଏବଂ ଏସ୍ ଭେଗସ ମଧ୍ୟରେ ଥିବା ଏହି ଅଞ୍ଚଳ ଉପର ଦେଇ ଯାଉଥିବା ସବୁ ବିମାନ ଦୁର୍ଘଟଣାଗ୍ରସ୍ତ ହୋଇଥାଏ । ଗତ ୬୦ବର୍ଷ ହେଲାଣି ଏହି ବାଟ ଦେଇ ଯାଇଥିବା ୨୦ହଜାର ବିମାନ ଦୁର୍ଘଟଣାର ଶିକାର ହେବା ସହ ଅନେକ ଲୋକ ପ୍ରାଣ ହରାଇଛନ୍ତି ।
କୁହାଯାଏ କି ଏହି ବାଟ ଦେଇ ଯାଉଥିବା ବିମାନକୁ ନେଓ୍ଵାଡ଼ା ଟ୍ରାଙ୍ଗେଲ ନିଜ ଆଡ଼କୁ ଟାଣିଥାଏ । ଯାହାଦ୍ୱାରା ବିମାନ ପାହାଡ଼ରେ ମାଡ଼ ହୋଇ ଦୁର୍ଘଟଣାଗ୍ରସ୍ତ ହୋଇଥାଏ । ଏପରି ଘଟଣା ଏବେ ବୈଜ୍ଞାନିକ ଏବଂ ବିଭିନ୍ନ ଦେଶର ସରକାରଙ୍କ ପାଇଁ ଚିନ୍ତାର ବିଷୟ ପାଲଟିଛି । ଏହା ପଛର ରହସ୍ୟ କ’ଣ କାହାକୁ ଜଣା ନ ଥିବା ବେଳେ ବରମୁଡା ଟ୍ରାଙ୍ଗେଲ ଭଳି ଏଠାରେ ମଧ୍ୟ ମାଧ୍ୟାକର୍ଷଣ ପ୍ରବଳ ହୋଇ ଥିବାରୁ ଏପରି ଘଟଣା ଘଟୁଥିବା କହିଛନ୍ତି ବୈଜ୍ଞାନିକ । ଏଠାରେ ନିଖୋଜ ହୋଇଥିବା କୌଣସି ବିମାନର ପତ୍ତା ମିଳି ପାରି ନ ଥିବା ବେଳେ ଦେଶ ପାଇଁ ଏହା ଚିନ୍ତାର ବିଷୟ ପାଲଟିଛି ।