ବିଦେଶ ମାଟିରେ ଓଡ଼ିଆ ବାସ୍ନା: ଓଡ଼ିଆ ପାଠଶାଳା ମାଧ୍ୟମରେ ଶିଖାଯାଉଛି ଓଡ଼ିଆ ଭାଷା
ଭୁବନେଶ୍ୱର/ଲଣ୍ଡନ: ମହନୀୟ ଓଡ଼ିଆ ଭାଷା | ଏକ ପୁରାତନ ଭାଷା ଭାବରେ ଖ୍ୟାତ ଓଡ଼ିଆ ଭାଷାର ଅପଭ୍ରଂଶକୁ ନେଇ ଭାଷା ପ୍ରେମୀ ଉଦବେଗ ପ୍ରକାଶ କରୁଥିଲେ ବି ଏବେ କିନ୍ତୁ ଓଡ଼ିଆ ଭାଷାରେ ପ୍ରସାରରେ ଲାଗିପଡିଛନ୍ତି ଦୁଇ ଜଣ ଓଡ଼ିଆ | ବ୍ରିଟେନର ଲଣ୍ଡନରେ ରହୁଥିବା ଡ. ଜୟଶ୍ରୀ ନନ୍ଦ ଓ ଶୁଭେନ୍ଦୁ ସେଠୀ ଏବେ ସେଠାରେ ପିଲାମାନଙ୍କୁ ଓଡ଼ିଆ ଶିଖାଇବାରେ ଲାଗିପଡିଛନ୍ତି | ଓଡ଼ିଆ ପାଠଶାଳା ନାମରେ ଆରମ୍ଭ କରିଛନ୍ତି ଭିନ୍ନ ପ୍ରୟାସ | ଓଡ଼ିଆ ବର୍ଣ୍ଣବୋଧଠାରୁ ଆରମ୍ଭ କରି ସରଳ ଭାଷାରେ ଓଡ଼ିଆ ଶବ୍ଦ ପିଲାମାନଙ୍କୁ ଶିଖାଯାଉଛି |
Sambad is now on WhatsApp
Join and get latest news updates delivered to you via WhatsApp
କରୋନା କାରଣରୁ ଅନଲାଇନରେ ଏବେ ପ୍ରାୟ ୭୦ରୁ ଅଧିକ ଜଣ ପିଲା ଓଡ଼ିଆ ଶିଖୁଥିବା ବେଳେ ପରେ ଏହାକୁ ସମ୍ପ୍ରସାରଣ କରାଯିବ ବୋଲି ଜୟଶ୍ରୀ କହନ୍ତି | ଭବିଷ୍ୟତରେ ଓଡ଼ିଆ ପାଠଶାଳାକୁ ନେଇ ଏକ ବିଦ୍ୟାଳୟ କରାଯିବ ଓ ସେଠାରେ ଓଡ଼ିଆ ଭାଷାକୁ ପଢ଼ାଯିବ ବୋଲି ଉଦ୍ୟୋଗୀମାନେ କହିଛନ୍ତି | ମିଳିଥିବା ସୂଚନା ମୁତାବକ ଓଡ଼ିଆ ପାଠଶାଳାର ପ୍ରଥମ ପାଠ୍ୟକ୍ରମ ଏପ୍ରିଲ ୯, ୨୦୨୦ରୁ ଆରମ୍ଭ ହୋଇଥିଲା | ଆଉ ଚଳିତ ବର୍ଷ ସରସ୍ବତୀ ପୂଜାରୁ ଦ୍ଵିତୀୟ ପର୍ଯ୍ୟାୟ ପାଠ୍ୟକ୍ରମ ଆରମ୍ଭ କରାଯାଇଛି |
ଜୟଶ୍ରୀଙ୍କ କହିବା କଥା ଯେ ବିଦେଶରେ ରହିଲେ ବି ଓଡ଼ିଆ ଭାଷାକୁ ଯେଭଳି ଭୁଲି ନ ଯିବା ସେହି ଚିନ୍ତାଧାରା ନେଇ ଏହି କାର୍ଯ୍ୟକ୍ରମ କରାଯାଉଛି | ପିଲାଙ୍କ ମଧ୍ୟରେ ଓଡ଼ିଆ ଭାଷାକୁ ସୁଗମ କରାଇବା ପାଇଁ ବିଭିନ୍ନ ଢଗଢ଼ମାଳି ମାଧ୍ୟମରେ ପିଲାଙ୍କୁ ଓଡ଼ିଆ ଶିଖାଯାଉଛି |ତେବେ ଓଡ଼ିଆ ପାଠଶାଳାର କର୍ତ୍ତୃପକ୍ଷଙ୍କ କହିବା ମୁତାବକ ବିନା ଅଭିଭାବକଙ୍କ ସହାୟତାରେ ଏହା ସମ୍ଭବ ହୋଇପାରି ନଥାନ୍ତା |