ପ୍ରେମିକାକୁ ଖୋଜି ଖୋଜି ୨ ହଜାର କିଲୋମିଟର ଗଲା ବାଘ
ନୂଆଦିଲ୍ଲୀ: ଆପଣ ହୁଏତ ଶୁଣିଥିବେ ସାତ ଦରିଆ ପାରି ହୋଇ ଓ ହଜାର ହଜାର କିଲୋମିଟର ଅତିକ୍ରମ କରି ପ୍ରେମିକ ପ୍ରେମିକା ପାଖରେ ପହଁଚିଯାଇଥାଏ | ଟିଭି ପରଦାରେ ହେଉ ବା ସିନେମାରେ ଏହି ଦୃଶ୍ୟକୁ ଅତି ସୁନ୍ଦର ଭାବରେ ଚିତ୍ରଣ କରାଯାଇଥାଏ | କିନ୍ତୁ କେବେ ଭାବିଛନ୍ତି କି ନିଜ ପ୍ରେମିକା ବାଘୁଣୀକୁ ଖୋଜି ଖୋଜି ବାଘଟିଏ ୨ ହଜାର କିଲୋମିଟରର ବାଟ ଯାଇଛି | ରାଜ୍ୟର ସୀମା ଏହି ବାଘକୁ ଅଟକାଇପାରିନି | ତେଲେଙ୍ଗାନାରୁ ମହାରାଷ୍ଟ୍ର ଯାଏଁ ବାଘଟି ଯାଇଥିବାର ଆଇଏଫଏସ ଅଧିକାରୀ ପ୍ରବୀଣ କାଶବାନ ନିଜ ଟ୍ୱିଟରରେ ସୂଚନା ଦେଇଛନ୍ତି |
Sambad is now on WhatsApp
Join and get latest news updates delivered to you via WhatsApp
This #Tiger from India after walking into records has settled to Dnyanganga forest. He walked for 2000 Kms through canals, fields, forest, roads & no conflict recorded. Resting in daytime & walking in night all for finding a suitable partner. Was being continuously monitored. pic.twitter.com/N1jKGXtMh2
— Parveen Kaswan, IFS (@ParveenKaswan) March 5, 2020
ମିଳିଥିବା ସୂଚନା ମୁତାବକ ତେଲେଙ୍ଗାନା ତିପେସ୍ୱର ଅଭୟାରଣ୍ୟରେ ରହୁଥିବା ବାଘ ଉପରେ ବନ ବିଭାଗ ଲଗାତାର ନଜର ରଖିଥିଲା | ବାଘଟି ରାସ୍ତା, ଜଙ୍ଗଲ, ନଦୀ ପାର କରି ଜ୍ଞାନଗଙ୍ଗା ଜଙ୍ଗଲରେ ପହଁଚିଯାଇଥିଲା | ବଡ କଥା ଯେ କାହାକୁ କୌଣସି କ୍ଷତି ନ ପହଞ୍ଚାଇ ବାଘ ୨ ହଜାର କିଲୋମିଟର ବାଟ ଅତିକ୍ରମ କରି ପହଞ୍ଚିଥିଲା |
ମହାରାଷ୍ଟ୍ରର ଏହି ଜ୍ଞାନଗଙ୍ଗା ଜଙ୍ଗଲଟି ମେଲାଘ ବ୍ୟାଘ୍ର ସଂରକ୍ଷଣ ଅଭୟାରଣ୍ୟ ଅଧୀନରେ ଆସୁଥିବାବେଳେ ପ୍ରେମିକାକୁ ଖୋଜିବା ପାଇଁ ବାଘଟି ଏଭଳି କରିଥିବାର ଆଇଏଫଏସ ଅଧିକାରୀ କହିଛନ୍ତି | ଏଠାରେ ସୂଚନା ଥାଉ କି ନଭେମ୍ବରରୁ ଏପ୍ରିଲ ମାସ ମଧ୍ୟରେ ସମ୍ପର୍କ ରଖିବା ବାଘଙ୍କ ପାଇଁ ଅନୁକୂଳ ହୋଇଥାଏ |